Popular Bible Verses from Lukase 3

Share

Taipsomane inuit ilûnatik baptitaungmatta, Jêsusetauk baptitaungmat tuksiarlarmelo, ᴋilak angmalerpok; Anernerlo ajûnginek tingmiatut taubetut akᴋarpok, Jêsusemullo pivlune, nippelo ᴋilangmit oᴋartok: Ernerivagit nagliktagit, ᴋuviagijagit.

Johannesib kiovait, ilûnaita oᴋautivlugit: Uvanga imermut baptipapse; kingunipkulle tikituksak pitsartunersauvok uvamnit, nalopᴋotivungalo, tâpsoma itigagutîgik singêjarlugik. Tâpsoma baptitsomârpâse Anernermut ajungitomut ikomamullo.

Attê, kiglilingmik sâgiarluse ablatsâmik issumaᴋaritse! issumaniarase, ilupsigut oᴋaromavluse: Abraha atâtagivavut. Oᴋautivapse: ujarᴋanit makkonangat Gûdib Abraha ᴋitorngititsungnarpâ.

Ullimaut napârtub mimernanganêlerêrpok. Tamanna pivlugo napârtut naliat ajungitunik paungaᴋangitok kipijauniarpok, egitauvlunelo ikomamut.

Sorlo nalautaijub Jesaiasib oᴋâlaningita aglangine aglaksimangmat; tâmna oᴋarmat: Ajoᴋertuijub nippinga inuᴋangitome imâk pivok: Nâlekab apᴋotiksanga âᴋiksorsiuk, apᴋosiningillo naggotisigik! Naᴋsat ilûnatik kipviartaujomâ put, ᴋakᴋallo ᴋakᴋârulaillo ilûnatik naᴋiglijaujomârput; apᴋosiningillo niungajut naggotitaujomârput, apᴋosiningillo manêtut maniksititaujomârput. Uvinilit (silaksoarmiut) ilûnatik Gûdib piuliklertiksauᴋojanga takojomârpât.