Popular Bible Verses from Pe eya 39

Share

Bage ɗiŋnedin kat poseya ne Yusuf, ka zuliya kaŋ ma zi pet. Gá katɗa na bageyal, ndu ge suwal Masar ne diŋ.

A go no Potifar ya̰ kaŋ ge na ne ma mwaɗak Yusuf tok go no, be gwan koy a̰me ne na sḛ pe to, ɗeŋgo kaŋzam ge zamma na wak zi. Ago Yusuf dó̰ dore ge be to.

Ga̰l ge daŋgay ma ne é na daŋgay ma pal mwaɗak, gá dol na ndwara ge temel ge daŋgay ma ne ke ma pal.

Wan na, dol na daŋgay zi, ge swaga ge a ne dibi gan daŋgay ma zi go. Yusuf gá daŋgay zi. Go no puy ɗe, Bage ɗiŋnedin gwan kat dagre ne Yusuf, ŋgay kwaɗa ge na ne na ta. E ga̰l ge daŋgay ma ne dol na ndwara na pal.

Go̰r go, na bageyal gwale dol na ndwara na ndwara zi ɗwal, jan na go: «Fí ne mbi!» Yusuf kuri, jan na bageyal gwale go: «Ndi mbi bageyal é mbi ya na kaŋ ma pal pet, a̰me be gwan gá ne na tok go to. Ndu a̰me ge waɗe mbi ne ga̰l ne na yadiŋ to. Be tele mbi ne a̰me ta to, a mo ɗeŋgo, ne da pe, mo na gwale ne. Mbi ma̰ ke ya̰l ge ɓaŋlaŋ mbe no go gyana, ne ke sone Dok ndwara se me ɗaa?»

Dam a̰me ɗu, Yusuf wat zok zi ndwara ke na temel. Ndu a̰me ɗu be kat yadiŋ to. Gwale mbe wan na ba̰r, jan na go: «Fí ne mbi!» Yusuf orbe na ba̰r na tok zi ya, syat na pe so ya zum.