Popular Bible Verses from Yohanna 21

Share

Swaga ge a ne á ne kaŋzam zamma go, Jeso jan Siman Bitrus go: «Siman ge Yohanna vya, mo laar hé mbi gḛ waɗe nama mbe ma no’a?» Siman gwan ne na janna go: «O̰, Bageyal, mo kwa kwa go mbi laar wa̰ mo wan.» Jeso jan na go: «Wá mbi tame vya ma.» Gwan jan na ge ndwara azi: «Siman ge Yohanna vya, mo laar hé mbi he’a?» Siman gwan ne na janna go: «O̰, Bageyal, mo kwa kwa go mbi laar wa̰ mo wan.» Jan na go: «Koy mbi tame ma.» Gwan jan na ge ndwara ataa go: «Siman ge Yohanna vya, mo laar wa̰ mbi wan’a?» Fare eleya ge Jeso ne ge ndwara ataa go: «Mo laar wa̰ mbi wan’a», mbe ke Bitrus yál, gwan ne na janna go: «Bageyal, mo kwa kaŋ ma kwa pet, mo kwa kwa go mbi laar wa̰ mo wan.» Jeso jan na go: «Wá mbi tame ma.

Fareba, fareba, mbi jan mo, swaga ge mo ne ka bool, mo ka vwal mo swaga pe ne bit ne, mo ka mbo swaga ge mo laar ne ɓyare go. Amma swaga ge mo ne mbo sabe ya, mo mbo ka abe mo tok digi, ndu ge ɗogle mbo vwal mo swaga pe, mbo gene mo swaga ge mo ne ɓyare go to.»

Jan nama go: «Dó me kool fak le tok matoson pal, aŋ ma̰ ɓol.» A dol na, nama pool kat ge zwal na ya digi to ne sii gḛ pe.

Siman Bitrus jan nama go: «Mbi mbo soso.» A jan na go: «I mbo dagre ne mo me.» A ne nama zut, a ndé fak go, ɗaal mbe zi, a wan a̰me to bat.