Popular Bible Verses from Mat 18

Share

Bukuri haho ha kutukini boolo bunu pe batatu, mu nkuumbu yaami, lo me nyiri ha kakati dya bo.»

«[Mu ngwanwa] me nyibweese kululeele ti, mbuti baatu boolo mu beenu bayukusini ha butoto, mu musamu ngo musamu, lo mamo ma baloombo, Taayi dya me diri ku mayulu sa kabayirikila mo.

Bu kateele mwaa-mwaana, wamusuusa ha kakati dya bo, na waleele ti: «Mu ngwanwa me nyiluleeriri, mbuti beenu luyiingiri ko, na lukitukiri bunu mwaa-baala bantele ko, lo beenu lukoto mu Kimfumu kya mayulu ko.

Hango, mpisi wunde wukuluka nde-meene bunu mwaa-mwaana wu, lo wunde ngo wubvuriri bukuutu mu Kimfumu kya mayulu.

Na wunde wutaambula ti mosi mu mwaa-baala bari bunu wu, mu nkuumbu yaami, lo me kataamburi.»

«Mu ngwanwa me nyiluleeriri ti: mpisi ma lukaanga beenu ha butoto, sa maba makaangu mu mayulu. Na mpisi ma lunyanguna beenu ha butoto sa maba manyanguna mu mayulu.»

Bunubwo se: «Taayi dyaami dya mu mayulu kasa, mbuti heki muutu-muutu mu beenu wahele kwehemesene mbaasi yaandi mu mutima ndemunso.»

«Ngo kasi, mpisi wunde wubwiisa mu masumu, mosi mu bilesi bimabi bisa kanyi mu me, lo buri bwabubwete mu nde, ti bamukaanga nguku-tari mu nkiingu yaandi, na kaba wadyaamusu ku kakati dya mubu.

«Nki beenu luri mu kutsima? Mbuti muutu wuri na nkama bimeeme, ngo kimosi mu byo kidziimbiri, buri lo wahele kusiisa makuumi wa na wa mu mankoto ma milaandu, na kweende ku kusaka kyadziimbila?