Popular Bible Verses from Jǎan 21

Share

Ée yě ɖu nǔ ɔ́, Jezu ɖɔ nú Sinmɔ́ɔ Piyɛ́ɛ ɖɔ: “Sinmɔ́ɔ Jǎan ví! A yǐ wǎn nú mì hú lě e mɛ élɔ́ lɛ́ɛ yí wǎn nú mì gbɔn é a?” Bɔ Piyɛ́ɛ yí gbe n'i ɖɔ: “Ɛɛn Aklúnɔ; a tunwun ɖɔ un yí wǎn nú we.” Bɔ Jezu ɖɔ n'i ɖɔ: “Nǎ nǔɖuɖu lɛ̌ngbɔ́ví ce lɛ́ɛ!” Jezu lɛ́ kanbyɔ́ ɛ azɔn wegɔ́ ɔ́ ɖɔ: “Sinmɔ́ɔ Jǎan ví, a yǐ wǎn nú mì ganjí a?” Bɔ Piyɛ́ɛ lɛ́ yí gbe n'i ɖɔ: “Ɛɛn Aklúnɔ, a tunwun ɖɔ un yí wǎn nú we.” Bɔ Jezu lɛ́ ɖɔ n'i ɖɔ: “Kpé nukún dó lɛ̌ngbɔ́ ce lɛ́ɛ wú.” Jezu lɛ́ kanbyɔ́ ɛ azɔn atɔngɔ́ ɔ́ ɖɔ: “Sinmɔ́ɔ Jǎan ví, a yǐ wǎn nú mì a?” Ée Piyɛ́ɛ mɔ ɖɔ Jezu kanbyɔ́ émí azɔn atɔngɔ́ ɔ́ ɖɔ é yí wǎn nú émí a jí ɔ́, wǔ kú i, bɔ é gbɔ bó yí gbe n'i ɖɔ: “Aklúnɔ, a tunwun nǔ bǐ; a tunwun ɖɔ un yí wǎn nú we.” Jezu ka ɖɔ n'i ɖɔ: “Nǎ nǔɖuɖu lɛ̌ngbɔ́ ce lɛ́ɛ.

Má ɖɔ nǔgbó nú we, hwenu e a ɖo dɔ̌nkpɛ mɛ ɔ́, hwi ɖésú wɛ nɔ sin gǒjíblánú towe, bó nɔ́ yi fí e jló we ɔ́ bǐ; amɔ̌, hwenu e a nǎ wá kpo nyɔ̌ɖaxó ɔ́, a nǎ dlɛ́n alɔ towe lɛ́ɛ, bɔ mɛ ɖěvo ná sin gǒjíblánú nú we, bó ná dɔn we gbɔn fí e a ma jló ǎ é.”

É ka ɖɔ nú yě ɖɔ: “Mi bo nyi ɖɔ ɔ́ dó ɖisíxwé nú tɔjíhún ɔ́, énɛ́ ɔ́ mi ná mɔ hweví wlí.” Yě ká nyi ɖɔ ɔ́ dó ɖisíxwé nǔgbó, bɔ ɖɔ ɔ́ wlí hweví gěgé, káká bɔ yě sɔ́ sixú dɔn tɔ́n ǎ.

Sinmɔ́ɔ Piyɛ́ɛ ɖɔ nú yě ɖɔ: “Un ná yi tɔ jǐ, bó ná yi nyi ɖɔ;” bɔ mɛ ɖě lɛ́ɛ ɖɔ n'i ɖɔ: “Mǐ lɔmɔ̌ ná xwedó we yi.” Bɔ yě yi byɔ́ tɔjíhún mɛ, bó sɛ yi tɔ ɔ́ jí; yě ká wlí nǔ ɖěbǔ zǎn énɛ́ mɛ ǎ.