Popular Bible Verses from Levíi ví 26

Share

Un ná nɔ tɛ́ntin mitɔn. Un ná nyí Mawu mitɔn, bɔ mi ná nyí togun ce.

é su jǐ hwenu ɔ́, un ná nɔ́ sɛ́ jǐ dó mi, ayǐkúngban ɔ́ ná nɔ́ ná jinukún, atín e ɖo zunkan mɛ lɛ́ɛ ná nɔ́ sɛ́n.

“Ényí mi nɔ nyi sɛ́n ce lɛ́ɛ ɔ́, ényí mi nɔ kpé nukún dó nǔ e un zɔ́n mi lɛ́ɛ wú bó nɔ bló ɔ́

Un ná bló bɔ ayi ná j'ayǐ nú mi ɖo to ɔ́ mɛ. Nú mi dɔ́ amlɔ zǎn mɛ ɔ́, mɛ ɖěbǔ ná wá dó tagba nú mi ǎ. Un ná bló bɔ adǎnkanlin lɛ́ɛ bǐ ná gosín to ɔ́ mɛ. È nǎ wá fun ahwan xá mi ɖo to mitɔn mɛ ǎ.

Un ná kpé nukún dó mi wú. Un ná bló bɔ mi ná ji bó gba kún. Un ná hɛn akɔ e un jɛ xá mi ɔ́ ɖó te.

Nyɛ wɛ nyí Mawu Mavɔmavɔ, Mawu mitɔn e ɖe mi tɔ́n sín Ejípunu lɛ́ɛ to mɛ é, bónú mi ma sɔ́ nyí kannumɔ yětɔn ó. Nyɛ wɛ flí agban yětɔn e ɖo kɔ mitɔn jí ɔ́ gba, bó bló bɔ mi ná nɔ́ tɛ afɔ ayǐ bó gó.”

Un ná bló nɔtɛn ce mímɛ́ ɔ́ ɖó tɛ́ntin mitɔn, bó ná lɛ́ kɔ sín mi gúdo ǎ.

“Mi ma lí vodún ó, mi ma kpa bǒcyɔ abǐ akpajlɛ́ awǐnnya e yě tun te bó nɔ sɛn lɛ́ɛ tɔn ó. Mi má zé awǐnnya e wú è ɖe nǔ dó é ɖěbǔ ɖó to mitɔn mɛ bó sɛn ó, ɖó nyɛ wɛ nyí Mawu Mavɔmavɔ, Mawu mitɔn.

Jinukún mitɔn lɛ́ɛ ná sukpɔ́ káká bɔ éé mi sɔ́ ɖ'ayǐ lɛ́ɛ ná vɔ cóbɔ ɖěvo ná tɔ́n ǎ; é ná wá byɔ́ ɖɔ mi ní bɛ́ xóxó lɛ́ɛ síin lɔ, bɔ éé tɔ́n yɔ̌yɔ́ lɛ́ɛ ná mɔ tɛn.

Mi mɛ atɔ́ɔ́n ná jɛ kɛntɔ́ kanwe ko (100) gúdo, bɔ yě ná j'ayǐ ɖo nukɔn mitɔn, bɔ mi mɛ kanwe ko (100) ná jɛ kɛntɔ́ děgba we afɔwó (10.000) gúdo, bɔ yě ná j'ayǐ ɖo nukɔn mitɔn.

Mi ná nɔ ɖo jinukún só wɛ káká jɛ vǐwun gbigbɛ hwenu; mi ná ɖo vǐwun gbɛ wɛ káká jɛ nǔkúndídó hwenu. Mi ná nɔ́ ɖu nǔ gɔ́ xo; mi ná vo ɖo to mitɔn mɛ.

Mi ná tɔ́n ahwan kɛntɔ́ mitɔn lɛ́ɛ; mi ná jɛ gǔdo yětɔn, bɔ yě ná j'ayǐ ɖo nukɔn mitɔn.

“Mi ná nɔ́ nyi gbɔjɛzán ce lɛ́ɛ, bó ná nɔ́ ɖó sísí nú xwé ce. Nyɛ wɛ nyí Mawu Mavɔmavɔ.”