Popular Bible Verses from Kɛ́nsísɔ́ 16

Share

Lo ɔ́, ényí Mawu Mavɔmavɔ wa azɔ̌jíwǔ ɖé ɔ́, ényí ayǐkúngban kɛ nu, bo fɔ yě kpó nǔ e yě ɖó lɛ́ɛ bǐ kpó mi ɔ́, nú yě zɔn gbɛ yi kútomɛ ɔ́, mi ná tunwun ɖɔ mɛ énɛ́ lɛ́ɛ ɔ́, Mawu Mavɔmavɔ wɛ yě zun.” Xó ɔ́ ɖɔ fó wɛ Mɔyízi ɖe kɛ́ɖɛ́, bɔ ayǐkúngban kɛ nu ɖo Datáni kpó Abilámu kpó sín afɔ glɔ́. Ayǐkúngban kɛ nu bo mi yě kpó hɛ̌nnu yětɔn lɛ́ɛ kpó, kpó Kolée sín ahwan lɛ́ɛ lɔmɔ̌ kpó, kpódó dɔkun yětɔn lɛ́ɛ bǐ kpó.

Levíi ví ɖé tíin, bó nyí Kolée. Yisexáa ví wɛ é nyí ɖo Kexáti hɛ̌nnu ɔ́ mɛ. É kplɔ́n nǔ mɛ atɔn ɖo akɔta Hwlibɛ́ni tɔn mɛ. Mɛ atɔn lɛ́ɛ wɛ nyí Datáni kpó Abilámu, Eliavu sín vǐ ɔ́ kpó, kpódó Onu Pɛlɛ́ti ví ɔ́ kpó. Yě fɔ́n gǔ dó Mɔyízi jí. Izlayɛ́li sín gǎn lɛ́ɛ kpódó tomɛxó lɛ́ɛ kpó wɛ nɔ́ ná tasyɛ́n yě. Yě mɛ afɔɖé kanɖé wǒ wɛ (250).