Popular Bible Verses from Luc 17

Share

Go’t gugu, Jésu ede doo ke dɔ nè nga ede nè: – Ɔse nang in dɔ unn rebe lei aw ta. Kundekêm dè Nube’t lei aji ɓá.

Loo ke ngokoin ra sei majelé nja ji sejimute kêm ndɔ karé’t géa, ke nè á è tel ree rai’t nja ji sejimute ede nè: «M’tur hal’m ɓá» ɓaa, ade kêmi sɔl lom dènn’t.

Nè è ke karé dann de’t an titeke ra’n tel tò karè ndát-ndát ɓaa, è ɔse wan dè njann’t tel ree ule ndubra dè Nube’t se ndu’n ke bòi. E ɔse keje’n nanga non Jésu’t ra’n oiyo. Doo nè nga, è doo ke ɓeekon ke Samarie.

Adi kêm si tò dè ra si’t. Loo ke ngokoin ra sei majelé ɓaa, i tɔje’n majelé le’n. Ke nè á è tel tur hal’n ɓaa, ade kêmi sɔl lom dènn’t.

Jésu deje ede nè: – Ké dooge ke dɔg nè nga banje ɔr ra de’t mbak lé wa? Ké njé ke jisɔ-jimi ei ra wa?

Kuwe-ɓee tel ile de dè’t ede nè: – Ke nè á kundekêm le si è ndêin-ndêin bè tite kum kage ke ri’n nè Mutarde géa, sei asikum kede kage koté nè kedi nè: «Ɔr rai se ngirei bere mbak aw i nda dann ba’t» ɓaa, kage nè nga à ra nyan ke sei edii.

Doo ke sang le ngonm ra’n sêw-sêw ɓaa, à ile ra’n kɔke salang. Nè doo ke ile ra’n kɔke salang ɓaa, à ngonm ra’n sêw-sêw ɓai.

Jésu ede njékuwe-girnge ede nè: – Gar-gar dooge ke nange à teli k’ei jig le tuge nja made dege kile de dann kaiya’t kuwe. Nè doo ke tel ra’n ke jig le tuge nja madennge nga, à an ɓai! E soo’t le tɔ kuberi mbal kɔbenn’t kile’n dunge ba-bò’t maje dum kade ndi têl è jig tede le njé ke tɔg kundekêm dè Nube’t le de ase lé. Nanan ke asekum koo tà ke man m’ede sei nè nga ɓaa, maje kade nel mbi’n oo’n tà nè nga maje.

Adi kêm si olé dè nyange ke ndɔ ke tee kêm ndɔn’t le Noé. Ndɔ ke m’a m’tel ree ɓaa, nyange nè nga à teei titeke bè tɔ. Kêm ndɔn’t le Noé nga dooge usei a, an-in a, taai nan a, adi ngann dege taai nan a, sár adi Noé in ur’n kêm bato’t kák. Loo ke Noé ur kêm bato’t kák ɓá ɓaa, mann bêlem unn gir pujur loo dè nang nè ndum’n dooge ndarak.