Popular Bible Verses from Maki 10

Share

Đó nyɛ Gbɛtɔ́ví ɔ́, è nǎ sɛn mì wú wɛ un wá ǎ; lo ɔ́, mɛ sɛn gbé wɛ un tɔ́n bó wá, bó ná sɔ́ gbɛ ce jó dó xɔ gbɛ nú mɛ gěgé.”

Jezu kpɔ́n yě dáán, bó ɖɔ: “Gbɛtɔ́ lɛ́ɛ wɛ nǔ énɛ́ ɔ́ gló, é ka ɖo mɔ̌ nú Mawu ǎ; ɖó Mawu kpé nǔ bǐ wǔ.”

Jezu ka ɖɔ n'i ɖɔ: “Yi, nǔ e a ɖi ɔ́ zɔ́n bɔ Mawu gbɔ azɔn nú we.” Azɔn ɖokpó ɔ́, nukún tɔn lɛ́ɛ hun, bɔ é wlí ali jɛ Jezu gúdo.

Ényí mɔ̌ hǔn, gbɛtɔ́ ní bo ma klán nǔ e Mawu dɔn cá é ó.”

Jezu ka kpɔ́n ɛ, bɔ nǔ tɔn nyɔ́ nukún tɔn mɛ, bɔ é ɖɔ n'i ɖɔ: “Nǔ ɖokpó géé wɛ kpo nú we: yi, bo sa nǔ e a ɖǒ lɛ́ɛ bǐ, bó má akwɛ́ tɔn nú wamamɔnɔ lɛ́ɛ; énɛ́ ɔ́, a nǎ ɖǒ dɔkun ɖo Mawu gɔ́n; énɛ́ ɔ́ gúdo ɔ́, wǎ, bó xwedó mì.”

Jezu ka kanbyɔ́ ɛ ɖɔ: “Ani wɛ a jlǒ nú ma wa nú we?” Nya ɔ́ ka yí gbe n'i ɖɔ: “Mɛ̌si, bló bónú ma lɛ́ vɔ́ mɔ nukúnnú.”

Nǔ ka ɖó ná nyí mɔ̌ ɖo midɛɛ lɛ́ɛ tɛ́ntin ǎ; lo ɔ́, mɛ ɖěbǔ jló ná nyí gǎn ɖo mi mɛ hǔn, ní nyí mɛsɛntɔ́ mitɔn.

Má ɖɔ nǔgbó nú mi: mɛ e ma ná yí axɔ́súɖuɖu Mawu tɔn ɔ́ yɔkpɔ́vú ɖɔhun ǎ ɔ́, é ná sixú byɔ́ mɛ ǎ.”

Mɛ e ɖo nukɔn din lɛ́ɛ gěgé ná wá jɛ gúdo, bɔ mɛ e ɖo gúdo din lɛ́ɛ gěgé ná wá jɛ nukɔn.”

Sín bǐbɛ́mɛ ɔ́, hwenu e Mawu bló nǔ lɛ́ɛ bǐ fó ɔ́, ‘é wá bló gbɛtɔ́ súnnu kpódó nyɔ̌nu kpó. Énɛ́ wú wɛ súnnu ná jó tɔ́ tɔn kpódó nɔ tɔn kpó dó, bó ná jɛ kpɔ́ xá asi tɔn, bɔ yě mɛ we lɛ́ɛ ná húzú ɖokpó géé;’ énɛ́ ɔ́, yě sɔ́ ɖo mɛ we nyí wɛ ǎ, lo ɔ́, yě húzú ɖokpó géé.