Popular Bible Verses from Maki 12

Share

Jezu ka yí gbe ɖɔ: “Sɛ́n nukɔntɔn ɔ́ ɖíe: ‘Izlayɛ́li, ɖǒtó! Aklúnɔ Mawu mǐtɔn ɖokpónɔ géé wɛ nyí Aklúnɔ, bɔ a nǎ yí wǎn nú Aklúnɔ Mawu towe kpódó ayi towe bǐ kpó, kpódó lǐndɔ̌n towe bǐ kpó, kpódó linlin towe bǐ kpó, kpódó hlɔ̌nhlɔ́n towe bǐ kpán.’ Sɛ́n wegɔ́ ɔ́ ká ɖíe: ‘A nǎ yí wǎn nú nɔzo towe hwi ɖésúnɔ ɖɔhun.’ Sɛ́n ɖé sɔ́ hú gǎn énɛ́ lɛ́ɛ ǎ.”

Jezu ka ylɔ́ ahwanvú tɔn lɛ́ɛ kplé, bó ɖɔ: “Má ɖɔ nǔgbó nú mi, akwɛ́ e asúkúsi wamamɔnɔ énɛ́ ɔ́ ná din ɔ́ hú gǎn mɛ ɖě lɛ́ɛ bǐ tɔn. Đó mɛ ɖě lɛ́ɛ bǐ sésé ɔ́, nǔ e kpé yě kpo ɔ́ wɛ yě wá ná dó akwɛ́gbá ɔ́ mɛ. Éyɛ́ ɔ́, akwɛ́ e é ɖó bó ná dó xɔ nǔ ɖu, bó ná nɔ gbɛ ɔ́, bǐ sésé wɛ é sɔ́ wá dó gbǎ ɔ́ mɛ.”

Jezu jínjɔ́n ayǐ, bó kpan nukɔn gbǎ e mɛ è nɔ sɔ́ akwɛ́ dó ɔ́, bó ɖo lě e mɛ lɛ́ɛ ɖo akwɛ́ sɔ́ dó gbǎ ɔ́ mɛ gbɔn wɛ ɔ́ kpɔ́n wɛ. Dɔkunnɔ gěgé ɖo akwɛ́ ɖaxó ɖaxó bɛ́ d'é mɛ wɛ. Asúkúsi wamamɔnɔ ɖé ka wá, bó bɛ́ akwɛ́ kpɛví kpɛví we dó gbǎ ɔ́ mɛ; akwɛ́ we énɛ́ lɛ́ɛ bǐ yi fánlan ɖokpó mɔ̌.

Hǔn, gbɛtɔ́ ɖó ná yí wǎn nú Mawu kpódó ayixa tɔn bǐ kpó, kpódó linlin tɔn bǐ kpó, kpódó hlɔ̌nhlɔ́n tɔn bǐ kpó, bó ná yí wǎn nú nɔzo tɔn é ɖésúnɔ ɖɔhun; énɛ́ ɔ́ nyɔ́ hú vɔ̌ e è dó zo é, kpódó vɔ̌sísá ɖě lɛ́ɛ bǐ kpán.”

Bɔ Jezu ɖɔ nú yě ɖɔ: “Mi bo sɔ́ nǔ e nyí Dadá Hlɔ̌ma tɔn tɔn ɔ́ jó nú Dadá Hlɔ̌ma tɔn, bó sɔ́ nǔ e nyí Mawu tɔn ɔ́ jó nú Mawu.” Xósin énɛ́ e Jezu ná yě ɔ́ kpácá yě tlala.