Popular Bible Verses from Lukas 17

Share

El a bisa e hòmber: ‘Lanta bai numa; bo fe den Mi a salba bo!’

I si e peka kontra bo shete be riba un dia i bira bisa bo shete be: “Mi tin duele di loke mi a hasi”, bo mester pordon'é!’

Un di nan a bira bèk, ora el a mira ku el a kura. E tabata alabá Dios na bos altu, a tira su kurpa abou na suela dilanti di Hesus i gradisí Hesus. E hòmber ei tabata un samaritano.

Boso mes, sea alerta! Si boso ruman peka, skual e i si e arepentí, pordon'é.

E ora ei Hesus a bisa: ‘No ta dies a kura? Na unda e nuebe sobránan a keda?

Anto Señor a bisa nan: ‘Si boso fe tabata mes grandi ku un pipita di mòster, boso lo a bisa e palu grandi akí: “Sali for di tera ku rais ku tur i planta bo mes den laman” e palu lo a tende di boso.

Esun ku purba preservá su bida, lo pèrd'é i esun ku pèrd'é lo hañ'é di nobo.

Hesus a bisa su disipelnan: ‘Tin kos ku ta pone hende kai den piká; esei ta inevitabel, ma ai di esun ku ta trese nan! Lo tabata mihó p'e, pa mara un piedra grandi di mulina rònt di su garganta i bent'é na laman, ku p'e laga un di e chikitunan akí kai den piká.

Manera a sosodé den tempu di Noe, asina lo pasa den dianan di Yu di hende. Hende a keda kome i bebe; nan a kasa i a tuma otro pa kasá, te dia Noe a drenta arka i e diluvio, ku a kaba ku nan tur, a kuminsá.