Popular Bible Verses from Mututo 3

Share

Mulimu a li ku Mushe, “Ki na Ya li teñi, Muñ'a Bupilo. S'o swanezi ku bulelela Maisilaele ki se, u li, ‘Ya li teñi, Muñ'a Bupilo, u ni lumile ku mina.’ ”

Mulimu a alaba, a li, “Ni ta ba ni wena, mi se si ta bonisa kuli ni ku lumile ki se. Ha u ta zwisa sicaba sa ka mwa Egepita, mu ka t'o ni lapela kaufela hona fa lilundu le.”

Mulimu a li, “U si ke wa sutelela hape. Tubula likatulo za hao, kakuli u yemi fa sibaka se si kenile.

Cwale Mulena a li, “Ni se ni boni hande mo ba nyandisezwa batu ba ka mwa Egepita. Ni ba utwile ha ba lilela tuso kabakala banyandisi ba bona. Ee, ni lemuhile hande manyando a bona. Ni til'o ba lukulula kwa Maegepita, ni ku ba zwisa mwa naha yeo, ku ba isa mwa naha ye tuna ye nunile. Ki ye nde ye nunile luli, mi ka nako ye ku inzi Makanana, Mahiti, Maamori, Maperizi, Mahivi ni Majebusi.

Lingeloi la Muñ'a Bupilo la iponahaza ku yena ka sibupeho sa lulimi lwa mulilo lo lu zwa mwahal'a sicacani. Mushe a talima, mi a bona kuli sicacani sa tuka, kono ha si ci.

Mi cwale, ni ta ku luma ku Faro ku y'o zwisa sicaba sa ka, bona Maisilaele, mwa Egepita.”