Popular Bible Verses from Mututo 8

Share

Kamukwaoswana ba mabibo ni bona ba lika ku tisa tumbulu-mbulu ka mabibo a bona, kono ba palelwa. Batu ba katazwa ki tumbulu-mbulu hamohocwalo ni lifolofolo. Ba mabibo ba li ku Faro, “Ye ki kezo ya Mulimu.” Kono Faro a itatafaza pilu, mi a hana ku mamela ze ne bulelwa ki Mushe ni Aruni, sina mw'a n'a bulelezi Muñ'a Bupilo.

Cwale Muñ'a Bupilo a li ku Mushe, “Zamaya ku Faro, u y'o li, ‘S'a bulela Muñ'a Bupilo ki se, u li, Tuhela sicaba sa ka si zamaye, si y'o ni lapela.

Kono Faro h'a bona kuli se ku bata ku luka, a itatafaza pilu hape, mi h'a si ka isa pilu kwa kupo ya Mushe ni Aruni, sina mw'a n'a bulelezi Muñ'a Bupilo.

Utwa, haiba u si hanisa ku ya, ni ta bakisa naha ya hao kamukana ka limbotwe.

Muñ'a Bupilo a li ku Mushe, “Bulelela Aruni kuli a nate fafasi ka mulamu wa hae, mi liluli li ta fetuha tumbulu-mbulu mwa naha ya Egepita kamukana.”

Muñ'a Bupilo a eza cwalo, mi linzi ze ñata-ñata za kena mwa ndu ya Faro, mwa mandu a manduna ba hae ni mwa naha kaufela ya Egepita. Naha ya sinyiwa ki linzi.