Popular Bible Verses from Simuluho 49

Share

U swalelezi sisupo sa bulena, mi u si beile mwahal'a mahutu a hae. U ta ina cwalo ku fitela muñ'a ona luli h'a ka taha, a t'o busa batu kamukana.

“Josefa ki kota ya veine ye beya hahulu kwatuko a liwelu-welu. Mitai ya yona i pahama limota. Bazumi ba til'o mu lwanisa ka situhu. Ba mu lelekisize ka buta ni masho a bona.

Kono buta bwa bona bwa lobeha, mi misifa ya mazoho a bona ya pumiwa ki maata a Mulimu ya Maata wa Jakobo, yena mulisana, Licwe la Isilaele. Mulimu wa ndat'aho ya nz'a ku tusa, Mulimu ya Maata Kaufela ya nz'a ku fuyaula, pula ya litohonolo ye zwa kwahalimu, mezi a buliba a kwatas'a mubu, limbuyoti za mazwele ni mba

“Juda, banabahenu ba ta ku lumba. U swala lila za hao fa ngele. Banabahenu ba ta ku kandelela. Juda u mwan'a tau! U bulaya z'a lelekisa, mi kihona a kutela f'a ipatanga. Juda ki tau. Wa ikotolola, mi ha lobezi ha ku na ya kona ku lika ku mu zusa.

“Rubeni, mweli wa ka, ki wena maata a ka, ni mwan'a ka wa mwa bunca bwa ka, mwan'a ka ya ikutwisisa, ya maata ku fita bana ba ka kaufela. U sibangoki ya swana ni mezi a sibuba sa macwe, mi ha u na ku bubana, kakuli u kile wa fosa ni yo muñwi wa basali ba ndat'aho. U silafalize bulobalo bwa ka ka ku kena mwateñi!