Popular Bible Verses from Rukaxi 8

Share

'Aixɨa mɨraku'anetsie miemete, mɨkɨ mekanihɨkɨtɨni niukitsie memɨtewiya 'aixɨa 'iyarikɨ meyuwaɨriyatɨ me'u'enanaka. Mɨkɨ mekaniutixuxuawereni mete'uka'eniwatɨ.

Xuyatsata mukaxɨri, mɨkɨ mekanihɨkɨtɨni memɨ'enana, peru 'iyaritɨarika, tuminikɨ, hikɨ mieme tukari naki'eriyayakɨ meyɨatɨ mekananukanaka, meta mepɨka'aye'axɨani.

Makutetexiyatsie miemete, mɨkɨ mekanihɨkɨtɨni memitanaki'eri niuki meyutemamawietɨ me'u'enanaka, peru mɨkɨ mepɨkahananatɨka. Yatewimekɨ yuri mekateni'erieka, peru kepauka memɨta'inɨatsienitsie mekatenikuhayeikawani.

Hikɨ mɨpaɨ katiniwarutahɨawe teyu'ɨkitɨwamete: —¿Keri yuri xete'erie? Meheumamatɨ mekanihɨxiyakaitɨni mɨpaɨ meteyɨkɨhɨawetɨ: «¿Ketsɨ pɨpaikɨ 'ikɨ, pɨtiwa'aitɨa 'eka meta hamewari haa, yamepɨtekahu kemaine?»

Huye tetsita miemete, mɨkɨ mekanihɨkɨtɨni memɨ'enana, peru kwitɨwa kani'axeni Kauyumarie, wa'iyaritsie kaninawani niuki kapa me'utawikweitsitɨarienikɨ yuri mete'uta'eriekaxɨame.

Karikɨ naitɨ tita mɨti'awietsie katinahekɨarimɨkɨ, meta naitɨ tita mɨti'awietsiekai katinitamariwamɨkɨ.

Hikɨ 'uka yatimaitɨ 'awie mɨkayɨanekaikɨ, 'utayɨyɨakatɨ kaninuani, hetɨana 'atiweka yunaime teɨteri wahɨrɨpa kanitaxatɨani kemɨtimayɨa meta yapauka kemɨranayehɨiya. Ketsutsi mɨpaɨ katinitahɨawe: —Neniwe, yuri pemɨti'eriekɨ 'aixɨa pereu'erietɨ pepatɨa. 'A'iyaritsie peka'uximatɨarietɨ kenemie.

Hikɨ mekanenutahɨtɨani mɨpaɨ me'utiyuatɨ: —Ti'ɨkitame, Ti'ɨkitame, tepɨkayunirɨme. Ketsutsi 'anukukeka kanitatieni 'eka hamewari meta, hikɨ kaneunuani, kayuwatɨ kaniutamare.