Popular Bible Verses from San Mateo 2

Share

Ja³ˀa³sˀen³ ya⁴ ntˀia³, tsa³ve³ je² ˀnti¹-ve⁴ cao⁴ María je² na⁴-le⁴, cˀoa⁴ tsa³qui³ncha³xco¹nchˀin³tˀa³-le⁴ tsa³ve³xcon¹. Qui³sco³ˀai²nqui³ tso³jmi²-le⁴ xi³ chji¹, qui³tsjoa³cjoa⁴tjao²-le⁴ oro cao⁴ xo³nco¹sja³ cao⁴ xi³cha³xi³ xi³ na⁴sca¹ njen⁴.

Cˀia⁴ nca³ qui³tsin³ Jesús ya⁴ Belén tsˀe⁴ Judea, cˀia⁴ ni⁴čhjin³-le⁴ cho⁴ta⁴ti¹tjon² Herodes, coe⁴-ni³ ja³ˀai³ ya⁴ Jerusalén cho⁴ta⁴chji⁴ne⁴, xi³ ji³nčhoa³-ni³ jña³ tjo³-ni³ tsˀoi¹. Qui³tso²: Jña¹ ti¹jna³ je² cho⁴ta⁴ti¹tjon²-le⁴ cho⁴ta⁴ judíos xi³ qui³tsin³. Nca⁴ je² ni³ño³-le⁴ je³ca²ˀyai³⁴-jin⁴ jña³ nca³ tjo³-ni³ tsˀoi¹, cˀoa⁴ cjoa²ˀai⁴ ˀya³xcon¹-ni¹⁴jin⁴ nca³ je².

Cˀoa⁴ nca³ tsa³ve³ je² ni³ño³-ve⁴, a³li² to⁴cˀoa⁴ cji³ tsjoa³ coan³-le⁴.

Ya³ ni³jña¹-le⁴ cˀoa⁴tsa³cˀin²ya³-le⁴ xcon¹ tsa² ti⁴ya⁴ coai⁴con³-ni³le⁴ Herodes. Xin² ntia⁴² ja³ˀa³ nca³ qui³-ni³ na³nqui³-le⁴. Cˀia⁴ nca³ je³qui³-ni³ nca³ je², coe⁴-ni³ je² a²ncje⁴-le⁴ Nai³-na¹ coan³tsen³-ni³le⁴ ya³ ni³jña¹-le⁴ José, qui³tso²: Ti²so⁴tjain⁴, chjoai¹³ je² ˀnti¹-ve⁴ cao⁴ na⁴-le⁴, cˀoa⁴ ti⁴yoi¹³ ya⁴ Egipto. Ti⁴jnai³ ya⁴-ve⁴ sa³ˀnta³ cˀia⁴ nca³ an³ xi³ cˀoa⁴xin¹-le²³, nca³ cˀoi⁴²coan⁴ nca³ Herodes coa⁴²sjai³ je² ˀnti¹-ve⁴ tsa² si⁴²cˀen³.