Popular Bible Verses from SAN JUAN 13

Share

Ca̱hcó a̱ma vederihquentiyon ra ca̱va nchuhn. Chemin ne, che din yahino a̱ma ta̱ma ne vih, nduhca̱ che yahino má̱n nchuhn. Ndete che din yahino a̱ma ta̱ma ne vih ne, tumacadino nducoya̱ca ihyan che ritahno ne u.

Cua cuande nchuhn. Andahre u che Dihve ne ma̱n, Ihyan Ricuahn yahn ne ma̱n, ate na̱nó ca̱h ne. Tihca̱ quenan cuma che din yahino a̱ma ta̱ma ne vih, na̱no ne ca̱h vih. Chihcó ejemplo cuh ca̱va che quendi ne.

Ndahconan Dihvo vo, ne ra̱hn ye ri ye ihyan: ―Ma̱n ne, hua renehn deh conahn che tihca̱ redín, ate adive ne, conehn.

Cua̱co rá̱hn rí nchuhn te nde a̱ma mozo hua tahque chahte vederihquentiyon yahn se che co patrón yahn se. Namin nde a̱ma sa̱hn che rahn ntiyon hua tahque chahte vederihquentiyon yahn se che co ihyan che redechuh ye sa̱hn.

Ndete che chenahn nchuhn yahn ejemplo che chihcó yahn ne, ne dinahn ne ne, a̱ma ndah ro yahn ne.

Chundah ne, a nde mena̱n ca̱hn nun se chete chedave yahn Judas Iscariote, da̱ya Simón, nduhca̱ che ndihcue ndeh se Dihvo vo. Nducote Dihvo vo ne, a devano ye che a ma̱n Dendiohs Chida nda̱hco ye nducuahn vederihquentiyon ta̱h ye ma̱n, na̱n ihyan min chica ye ma̱n, min na̱hn ye ma̱n ne, ura che chihno cheh vino ye nduco ihyan apóstol yahn ye ne, necuan ye na̱n mesa. Chehnevi ye tino tu che quenun ye, ne cheta̱h ye a̱ma toalla, chacondihco ye yutora̱n ye. Namin cheta̱h ye cu che rena̱no nun ye ta̱h ye, ne chih ye nune. Tuhme cana̱n rena̱no ye ca̱h ihyan apóstol yahn ye, ne renedin cuma ye nduco toalla me.