Popular Bible Verses from MARCOS 5

Share

Chai ju Jesús juni: ―Quintsi' ni xaq'uilhilac'ap'inch pus yuchi palai xalhi'un. Lhik'ach ap'it'i. Jantuch aktam ap'acxana' ju ani mintak'ank'at.

Chai pumatam chako'ulh ixmak'anta. Chai ju yuchi lakacaut'ui c'ata jantu ixlakxixta. Na lhu ixmak'alhk'ajnanta acsni ixtac'uch'ui ju ac'uch'unin. Chai ixmaca'ank'otach tachi chun ju ix'alinta para jantu tu'u' ixlhitapalai. Va apalai ixlhitap'asni.

Pus vasalh. Acsni lakcha'anilh ixpumpu' ju Jesús pus lana vats'alhti vak tamactalh ju ixtak'ank'at. Chai lana ucsac'atsa la'ixlacatuna ni palaich xajun.

Chai ju Jesús ch'apanilh ixmaca' ju atsi' chai juni: ―Talita, cumi. Ju chunch va nomputun: Atsi' uxint'i ju icjunan. Ak'ost'a'ulhch.

Pus acsni ixt'ajunca' t'achivini' ju chako'ulh ju Jesús pus tachincha ju lapanacni ju ixtataxtutachalh ju ixchaka' ju anu' xak'ai. Tajunich ju yuchi: ―Ju mintsi' nitach. Tajuch ni va jeks amavap'ala' ju amamaka'unu'. Para ju Jesús acsni k'asmatlh ju ixchivinti'an lana junilh ju anu' xak'ai: ―Jantu at'alhan. Va aq'uilhilac'ap'ich.

Pus ju lhacaticurulhni tapunaulh chunch ni Jesús ix'ajunita ni catataxtulh la'ixlacatuna ju anu' lapanac. Chai ju Jesús sacmilh ju lapanac tuchi juncan. Chai ju yuchi ak'alhtayanalh: ―Legión icjuncan ni na quilhu quinc'an. Pus ju Legión ixtapaka'ut junita lhu taropajni.