ព្រះអម្ចាស់មានព្រះបន្ទូលថា៖
«អ៊ីស្រាអែលអើយ
ប្រសិនបើអ្នកចង់វិលមកវិញ
ចូរវិលមករកយើងចុះ!
ប្រសិនបើអ្នកយកព្រះដ៏គួរឲ្យស្អប់ខ្ពើម
ចេញពីមុខយើង
នោះអ្នកនឹងលែងវង្វេង ដើរគ្មានគោលដៅ
ទៀតហើយ។
ប្រសិនបើអ្នកស្បថក្នុងនាមព្រះអម្ចាស់
ដែលមានព្រះជន្មគង់នៅ
គឺស្បថដោយនិយាយពាក្យពិត
ស្របតាមយុត្តិធម៌
នោះប្រជាជាតិទាំងឡាយ
មុខជាចង់បានពរពីយើង
ព្រមទាំងបានខ្ពស់មុខ ដោយសារយើងផង។