Popular Bible Verses from SAN LUCAS 2

Share

Chi vijna nde ini ñuu David ni cacu ɨɨn Yaā jnama róhó, te máá Jítoho yō Cristo cúu ya.

Te ni cahān ndajéhé un jíín de: Ma yūhu ró jijnáhan ró, chi vēji ri castūhun rí jnūhun vāha nuū rō, te sáha jeē cúsɨɨ̄ ndasɨ́ ni tāca ñáyuu

Yōhyo luu cújéhnu Yaā Dios nde nuū sucún. Te na ndúvāha ni tāca ñáyuu ñayɨ̄vɨ, sáha ya jeē cúsɨɨ̄ ni yā jiín i. Achí táca ndajéhé.

Te Jesús ni jehnu ga i, te ni cundíchí gá i, te cúsɨɨ̄ ni Yaā Dios jiín i, te suni súcuan tāca ñáyuu.

Te súcuan nacuni rō sūchi yɨ́quɨ́n un, chi ñúsúcún i sahma cuitá te cátú i ini ɨɨn nundōo núū yéji quɨtɨ. Achí yá.

Te yajni ñuu Belén cáhīin tēe cácuu pastor, te cándito de lanchi de nɨ́ɨ́ niñu jecuáā nde yucu ún. Te ɨɨn sanaa‑ni te ni cane ɨɨn ndajéhé maá Jítoho yō nuū de, te nduva máá Jítoho yō ni ndindēe nɨ́ɨ́ núū cáhīin de. Te yōhyo ni cayūhú de.