Popular Bible Verses from Jean 14

Share

An aragi b’leng nga halasa, an hagi b’leng nga halas manda, an hagizi nga ni d’igi suma duniyad’a a nga he na d’i. Ar hurugi mi hat ti, ar agi lagi mandar ruo mi.

Jesus mi dum ala: An ni lovota, an ni gagazid’a, an narid’a mi. Sama i gen Abun bei an na nga d’i.

Jesus mi dazi ala: Ar hurugi hat ti. Ar agi hagi gagazid’a yam Alona, ar agi hagi gagazid’a kan an mi.

Wani Ma ndjunda, nala, Muzuk ma bei tchod’a ba ma Abun mba sunumï ki simiyêna, mam mba mi had’agi ahlena pet, mba mi gagi humagi yam ahlena pet suma an dagizina mi.

Sama ve vun man ma hed’a ma nga mi ngomoma, ni ma nga mi le kana. Sama nga mi le kana, Abun mba mi le kamu, an mba ni le kam an mba ni tagam tan mi.

An mba ni tchen Abunu, mam mba mi hagi Ma ndjun ma ding ma mba mi kak ki sed’egi gak didina. Mam mi Muzuk ma tak gagazid’a hAlonid’a woi ma suma duniyad’a a ndak á vum kuruzi d’uo na, kayam a golom nga d’i, a wum nga d’uo mi. Wani agiya, agi wumu, kayam mi nga zlapa ki sed’egiya, mba mi kak kurugi mi.

Le ni me pî ma agi mba tchenegizi ki simiyên abo Abuna, an mba lagiziya, kayam me an Goroma ni nde subura hAbunda woyo. Le agi tchenegi va ki simiyên abo Abunu ni, an mba ni lumu.

Jesus mi dazi kua ala: Le agi lagi kanu ni, agi ngomogi vun man ma hed’a.

Kur azina hAbuna yima kaka nga ngola. Ladjï na d’uo ni, an dagiya wa. An nga ni i á min yina kagiya.

Le an i wa ni min wa yina kagiya ni, an mba hulongî á yogi sä gevenu, kayam yima an nga kak kuana, agi mba kagagi kua mi.

Toma mi dum ala: Salamina, ami wami nga yima ang nga i kuana d’i. Ami mba wami lovot ndata ni nana ge?