Popular Bible Verses from KALATE METATAʼA 22

Share

Abraham a nga yôlé vôm ate na: Adonaé Yiré. Ajô te ba jô môse ya dene na: Jôm ja ye veban e nkôle Nti.

Zambe nye na: Nyoñe monafame wôé, atyiʼi monafam, e nyô wo nyeʼe, Izak, kelek e sii Moriya, a e wé, vaʼa nye mveane ba diʼi ngumba e wua ya minkôle ma ye liti wo.

Engele nye na: Te same wo wôé e be ésoé ndôman, a te bo nye jam éziñ; amu éyoñe ji me yemeya na wo ko Zambe woñ, a na ô nji bene ve ma monafame wôé, atyiʼi monafame dôé.

Abraham nye na: Zambe Emien a ye ve mone ntômba asu mveane ba diʼi ngumba. Bese bebaane be nga wulu nsamba wua.

ma ye jalé wo a bibotan, a ma ye fôle mvoñe bôte jôé ane ateté é ne yôp a ane nselek ô ne nsaʼa mam. E mvoñe bôte jôé ja ye nyoñe Mbé Anyiine ya tisone besiñe bé, amu wo te ve tyiñe jam mewôk. Meyoñ mese ya si nyô ma ye jô na me bili ébotan amu mvoñe bôte jôé; amu wo te ve tyiñe jame mewôk.

Mvus mam mete, Zambe a nga veʼele Abraham a jô nye na: A Abraham! Nye na: Ma nyô!

Ane éngele Nti a nga loone nye yôp a jô na: A Abraham! A Abraham! Nye na: Ma nyô.

Engele Nti a nga loon Abraham éyoñe baa e yôp a jô na: Ma bele a mamien, nalé Nti a jô na: Amu wo te bo nalé, a na ô nji bene ve ma monafame wôé, atyiʼi monafame dôé

Eyoñe be nga kui e vôme Zambe a nga liti nye, Abraham a nga lôñ ataʼa metunaʼa valé a taʼa njaʼa été yôp. A nga kaʼa monafame wé, Izak a beté nye ataʼa metunaʼa yôp, e njaʼa yôp.