Popular Bible Verses from SAN LUCAS 23

Share

Láth ngue que' mèna Jesús loo cruz, ndxab Jesús loo Diox: ―Pay, fton' U' xquin mèn ndxè' no xtol mèn ndxè' tac prob mèn ndxè' ne'ñeede no ne'ta'de mèn cuent cón ngue li no mèn ndxè' daa. Le' solndad na, mdith no dad loo xab Jesús par ñee solndad ñeene' chó solndad li gan gàc che'n solndad xab Jesús.

Jesús ndxab loo mbi'a: ―Lìcpe' ba'i, na ngue nii lool: Leque nalze yòo nol daa co'te' nac parais.

Sya, ndxab mbi' ropa loo Jesús: ―Tad Jesús, fte' lezo' U' cón chenen co'se' gàc tiemp co' ñibe' U' loo mèn loo izlyo' ndxè', ndee U'.

Sya, ngrozèe yath Jesús. Ndxab Jesús loo Diox: ―Pay, yey, nase fcàaya' U' alm daa no xpii daa. Ngolo ndxab Jesús di'sa, chàa, nguth Jesús.

Co'se' mzin mèna con Jesús loo thìb dèn co' mbez mèn tiempa lèe quèe yéc mèn, tya mque' mèna Jesús loo thìb cruz. Mque' mèna ryop mbi'guth mèna loo cruz cuat Jesús, ne. Thìb mbi' mquée loo cruz ladlì cuat Jesús. Tedib mbi' mquée loo cruz ladrebes cuat Jesús.

Hora casque' nde yáal rol huiz. Leque hora, dib athu loo izlyo' mcuau tac mcuau loo huiz. No axta hor mquée guyon bzyè mbembìi loo huiz. Mtenìi huiz loo izlyo' tedib vez. Leque hor co' mcuau loo huiza, Diox mbli ale mbryed grolthe vel co' ngue le'n templ tiempa.

Co'se' gunèe capitán che'n ciuda Rom ngòc con' ryes tín'a, ndxab capitana: ―¡Ay, Dio's! Lìcpe' ba'i, mbi' ba' ngòc mbi' nalì no mbi' nambìi loo U', Diox.