Popular Bible Verses from LUKAS 3

Share

Fahfal za mo nyiŋra baptisma daŋ o, Yesu so nyiŋ ta. Ne cok mo tǝ juuko pelle, coksǝŋ gbǝrri. So Tǝ'yak Matǝdaŋdaŋ ɗǝr ge tǝl ah tǝgbana matǝvaare, kyaŋ cii coksǝŋ ge faa: Amo ye We 'yah ɓe, me laa pǝ'nyah ne mo.

So Yohana faa nyi ra daŋ: Ma ɓe me ge ka joŋ baptisma nyi we ne bii to, amma Dǝɓ ki no tǝ gin fahfal ɓe, a pǝyǝk kal me ɓe, koo pǝ sal sǝɓal ah laŋ, me kii nǝn pǝ koŋ wǝǝ ah ya. Ako ye ga joŋ baptisma nyi we ne Tǝ'yak Matǝdaŋdaŋ tǝkine wii.

We joŋ yeɓ mai moo gak cuu we fer zahzyil ɓii ɓe. We lǝŋ sõone a ga rõmra we mor pa ɓii lii ye Abraham ka, amma me tǝ faa nyi we, Masǝŋ gak joŋ tǝsal marai ka mo ciŋra morsǝ̃ǝ Abraham.

Kǝlaɓ zyeɓ kan ɓo mor kpuu ka cen gin morsǝ̃ǝ ahe, kpuu mai mo ka lee syẽm pǝsãh ya daŋ a ga ce ɓoo ga tǝ wii.

Ɓǝ ah joŋ tǝgbana mai profeto Esaia mo ŋwǝǝ ɓo pǝ ɗerewol ahe, faa: Kyaŋ dǝɓ ki no tǝ ɓyaŋ ɓǝ kǝsyicokki, A faa: We zyeɓ fahlii nyi Dǝɓlii, We dǝǝ fahlii ah ra uu pǝsãhe. El daŋ mo roŋ zahki, Waa tǝkine gee daŋ mo rǝǝ ge sǝŋ zahki, Fahlii marãa ah daŋ a ga dǝǝ uu sǝraŋ, Fahlii maɓea daŋ a ga yea zahki. Za daŋ a ga kwora ǝ̃ǝ Masǝŋ.