Popular Bible Verses from João 20

Share

Morarame ynara tykase ropa Jezu eya xine: — Torẽtyke pyra ehtoko. Jenyohtopõpyry saaro Papa a oenyohtorỹko ase, tykase Jezu eya xine. Morara kaxĩpo puu tykase ynororo toto pona. Ynara tykase eya xine: — Ritonõpo Zuzenu ekarõko ase oya xine. Aomipona ehtoko.

Ynara tykase Jezu eya: — Wenetupuhnohxo rahke? Osenepõ puh oya rohke. Imeĩpo tãkye kuhse imehnõ exĩko mana jenepyra ro ahtao jenetuputyryke tyya xine, tykase Jezu eya.

Morarame Tome a ynara tykase ynororo: — Jemary eneko. Oemahxiky tyriko sẽ aka, perẽku eutahpyry aka. Oemary tyriko ukumikyhny aka roropa warata eutahpyry aka. “Ajohpe” kara exiko jẽsemãtopõpyry ropa poko. Wenetupuhko, tykase Jezu eya. — Jesẽ mase. Ritonõpome mase, tykase Tome.