Popular Bible Verses from Mataio 5

Share

Nga monicti hifa kwendangkelu pakec bageina nalic mi lome ngiyedaicte. Ye hifa yogo mac ngiye-ngiyeina lome ngiyeme ngic-ngigac mac kwelina ngiyegaing, yenge bacebame angoleyackedaingte. Aime ngengele angocti silicine ingucnehac ailu ngic-ngigac bacebame angoledaingte. Angolelu ngengele aibaba madicne nganilu Mamacngineng honocmengka gagac, yele wac bafedaingte.

“Aime ngenge himongtowa himong yagolec angoc. Taon monic ye kupicka ngiyegac, yogo nalic mi sangkedaicte.

Ngic-ngigac kwelengineng gbagbacne gacaigaing, yenge kwele-angackolec. I yangucte, yenge Wapong nganidaingte.

Ngic-ngigac nosing nga misale homacaigaing, silicine ingucnehac yefe dondonne gagale homacaigaing, yenge kwele-angackolec. I yangucte, Wapongti yenge yogo gumecebame gebecebadaicte.

Na yanguc sugu edocngebabe, ngenge ngabafocngineng kweledi angac ngageyeledabiyeng. Ailu ngic-ngigac weyebic aingelecaigaing, yengele milockedaing.

“Ngic-ngigac asule babaficte homalu gacaigaing, yenge kwele-angackolec. I yangucte, honocmengte ngani-damong yogo yengele hocne.

Ngic-ngigac hudu nga ngaba babong mogungkecaigac, yenge kwele-angackolec. I yangucte, Wapongti yeicne adu-madecfocine wacebadaicte.

Ngic-ngigac kwele-umackolec gacaigaing, yenge kwele-angackolec. I yangucte, Wapongti yenge hocne basanangebanowagac.

Ngic-ngigac aibaba dondonne aiyebongka weyebic aiyelecaigaing, yenge kwele-angackolec. I yangucte, honocmengte ngani-damong yogo yengele.

Ngic-ngigac agofocngineng yengele kwele-sowac ngagecaigaing, yenge kwele-angackolec. I yangucte, Wapongti ingucnehac yengele kwele-sowac ngagedaicte.

“Nga ngenge nale alingka gagaingte ailu ngic-ngigac yengi misofoc nga weyebic aingelelu kwesac ailu ngengele ngagelu yowa sowacne haicine monic-monic aingeledaingte. Yenge inguc aingeledaingte, ngenge kwele-angackolec. Fulingineng sugucne honocmengka lowec fagac. Ngenge ilec kwele-madic ngagelu beliyedaing. I yangucte, ngic-ngigac yenge esecne Wapongte siduc-mimi ngic weyebic aiyeleibong, ngenge aibaba ingucnehac aingeledaingte.

Nga ngic-ngigac bawacnagulu gacaigaing, yenge kwele-angackolec. I yangucte, himongtowadi yengele mole-damoc aidaicte.

“Ngenge kiwec nosingka haume angacineholec aicaigac, ngenge himongka ngic-ngigac kiwec ingucnehac aigaing. Aime kiwec yogodi angacine miyac aidaictewa, ngenge wenuc aibong hatacmac angacineholec nalic aidaicte? Kiwec ingucne, yogo boleine mikac aigac. Yogo moc himongka wickebeng ngic yengi higedi edesocebadaingte.

Ilec ailu ngenge ngabafocngineng kweledi angac ngageyeledaing. Honocmeng Mamacngineng ye dondonne gagacte ailu ngenge yele silic ingucnehac dondonne gadabiyeng.”

Ngenge yowangineng sasawa yanguc sugu midaing, ‘Foinac’ yogo foinac. Nga ‘miyac’ yogo miyac. Yowangineng yago ewalilu taockelu midaingte, yogo Kindololo fileine yelacni weledaicte.

“Ngenge yowa monic yanguc biyac ngageibong, ‘Monicti monicte donge hucine basowaleme, yele donge ingucnehac basowalenoga. Nga monicti monicte sofi hedume, yele sofi ingucnehac hedunoga.’ Na yanguc sugu edocngebabe, ngic-ngigac sowacne aingelebong ngenge ameine monic mi baduyeledaing. Monicti munggunggone folewapec wedaictewa, ga munggunggone kanawapec ingucnehac sungkecnodamec.

Ailu dongegone folewapecti aigeleme bikic bafuwadamectewa, ga dongegone kwofutuckelu wickeengka hikedaic. Gacgu socgone bucbuchac dac-sanangka wickedaickale, socgone tofaine miyac aime gaengka yogodibac madickedaicte. Nga mole-folegonedi aigeleme bikic bafuwadamectewa, ga yogo helockelu wickeengka hikedaic. Gacgu socgone bucbuchac dac-sanangka hikedameckale, socgone tofaine miyac aime gaengka yogodibac madickedaicte.