Popular Bible Verses from LUKA 17

Share

Kuudu wɛɛ raa wal bɔ: a ɗukumɔ mɔ rekɔ, ɗɔbsig mɔ za̧a̧sumza̧a̧sɔ.

Wɛɛ gid gɔsum hinha̧a̧l dɔɔ nɔɔn-erɛ a ɔ̧t gbun bɔ gedu, gi wɛɛ gi zaak mɔɔge dɔɔ nɔɔn-er be gi naandɛŋko, gi raak a be zɛmr kpoos be, bitsumɔg dɔglɔ.

Zaaya̧ gbun bɔ bɛɛ gbɛnik ɗobtilɔ bɔ gi da̧a̧, wɛɛ wɛɛz a Yeesu ge gi baanik Bɛt nɔɔha hi ya̧a̧ɓooki. Zaa zagl a Yeesu dɔŋdi baanige. Walɔ gi doo Samariyayayɔ.

Oon zul nɛ! Yɛ̧ɛ̧ mɔ gi gɔ hinha̧a̧lɛ, biglumɔge, gid zɛmr kpoosɔ gi dɛmnaanɛ, bitsumɔg dɔglɔ.

Yeesu warɔ: a nɛ dood koobl hi za̧a̧ ma mi, yɛrɛ zaadɛ wɔ naanza hi gaay ma nɔ?

Waar Yeesu raa: a an nɛ ɗɔbs kaasiwaanɔ an sitahi lɛŋksɛ, à nɛ raa yɔmntnɔɔ yɛrɛ a duyumɔ mɔ rek mɔ rɛɛy a mɛmbal gbɔɔl du, tɛ̧ɛ̧ bɔ yɔ lagsinɛ.

Za̧a̧nyɔ tɛb an gi za̧a̧s kolɔ, gi waksige. Za̧a̧nyɔ waks kolɔ be, gi za̧a̧sige.

Yeesu raa walɛsɛrɛ ɔ̧ɔ̧ wɔ: a hinwɔ gɔ hi mat dood a hinha̧a̧l du hí giro, hinza ɗɛɛ an gi ya̧a̧n gɛ. Yɛrɛ ya̧a̧rhant gis za̧a̧nyɔ mat dood a hinha̧a̧l du. An hi ha̧bs nɛ za̧a̧nɔ naal gbɔɔl durk du hi bisig a mɛmbal du yɔ bɛsig gi daarɔ, hi anyɔ gɔ gi mat ya̧a̧mwaa zaa gbun a hinha̧a̧l du.

Hinyɔ tuur nɛ a Nɔwe waabilɔ bɔ gedu, hinɔ gii gi tuur a Za̧a̧n Waa bɔ ɔ̧tɔge be. Dood hi hinleko, hi yɔ̧ko, hi wɛɛ hi lootingo, tuur a ɔ̧t yɔ Nɔwe gul a lɛmb duge. Mɛm gbɔɔl tuu hi̧i̧s hɛbto, gbɔm dood sɛw.