Popular Bible Verses from Lúkàs 16

Share

Nò gə́tɨnyaaŋɓa nɨ́m ti ŋgóbtií á sàmàìn kùb səŋ gíí ŋgə́ ɓa gə́tɨ̀nɨ kɨ́ ví̧ne. Ɨ́dù nò geré wóóŋ nɨ́m ti ŋgóbtií noò, sàmàìn kùb səŋ gíí ŋgə́ ɓa gə́tɨ̀nɨ kɨ́ ví̧ne á na nɨ ɗàà.

«Nɨ̀vɨ́tè mwi̧ sàmàìn éína ta ə́ré bɨrɨ́b ɗàà. Ŋgə́ tɨ̀ jɨhá nɨ̀mwi̧ ŋgə́ a ɗúcê nɨ̀mwi̧ kù. Ŋgə́ tɨ̀ jəŋhá nɨ̀mwi̧, nɨ̀mwi̧ kù ŋgə́ a sàkkî ŋgə́. Sàmàìn nyí éína Mèín ɓe mòné wùúm mwi̧í̧ nɨ ɗàà.»

Hȩ nyí gerékɨ́yaye wóóŋ mwèìn ɗɔ̀bɨ́nné du nyí mbáàŋnɨ rè no rè, i̧ á cè kùb ɓa nyí nàrénɨ njɔdì àmɨrìí ŋgáré nyí gə́tìi? Hȩ nyí gerékɨ́yaye wóóŋ njɔdì kùbè no rè, i̧ á cè kùb ɓa nyí nànɨ kɨ́ ók ɓe nyínè nyí gə́tìi?

Ɨ́dù Àbɨ̀ràhâm ɨ́ tànà ŋgə́ ɨnè: ‹Ŋgáb ɨ́ dù bɨ́ ɓíì Mòyíìs ɓe káàtààb tɨ́kɨ̀nɨ́b Mèèín kɨ́ jə̀ŋwá, nò kù tií fó̧cugɨ sèrìn gònɨ ŋgáb nyìnnànɨ, ŋgáb tɨ̀ bɨ ô.› »

«Nò ŋgɨ́íɓa gwi noò ɗà ɨ́ ɓùcù kɨ́ jií, ndɨŋtɨ́ mààŋ. Nò ɓuce nɨ̀gwi ŋgwáá noò tɨ ŋgɨ́llé, ndɨŋtɨ́ mààŋ.»