Popular Bible Verses from Màtíyò 4

Share

Á Yésù pihe ɨnè: «Káàtà Mèèín wáaɓatɨ́ ɨnè: ‹Nɨ ɓe bɨ̀rê sé ɗóò á nɨ̀vɨ́tè du ɓáínɨ, ɨ́dù nɨ̀vɨ́tè ɓáíɓwée nɨ ɓe nyindí lâs du fó̧nɨ Mèèín ɓɔ̧ne á.› »

Yésù ɨ́ tàcùnà ŋgə́ ɨnè: «Éí ɓè, Sátàìn! Ɓetí káàtà Mèèín wáatɨ́ ɨnè: ‹Jə̀ŋ Kéké nò du Mèín wóò, wu á ɗôm ŋgə́, ŋgə́ mwi̧cáŋ.› »

Yésù ɨ́ pììnà ŋgə́ ɨnè: «Káàtà Mèèín wáaɓwéetɨ́ ɨnè: ‹Wu wu Kéké nò du Mèín wóò kə̀hɨ̀r.› »

Cùr kɔ ə́mní Yésùù á Nyéhè ya ge ŋgə́ ŋgwàì ndɨ̀ŋnì, àm Sátàìn a kə̀hè ŋgéé. Ŋgə́ ɨ́ jə̂b ŋgwàì ndɨ̀ŋnì ku há̧á̧ jíì vii bɨrɨ́b, ŋgə́ a jɨce ɓɔ̧ cɨ́ɨ́m ɓe mvihin cúk, ɗà cɨ̧̀ ɨ́ ndóŋnè ŋgə́.

Yésù ɨ́ tànà ŋgáb: «Tùná mɨ, mɨ á nyí nànɨ nyòm ɓáaró nɨ̀vɨ́tɨ̀b mo cùrì hȩ mvɨ́njá du ɓáànɨ həréé.» Ɓè mu̧u̧, ŋgáb ɨ́ mbɨ́kkɨ́sò mvɨ́njááb ŋgábè, ŋgáb ɨ́ tù Yésù.

Yàrénɨ ɓwâ kɨ́, Yésù ɨ́ yà ɓéètèènànɨ nɨ̀vɨ́tɨ̀b lâs ɨnè: «Ɓandɨnáam sum nyínè; ɓetí Ŋgɔ̧́ɔ̧̀ Mèèín ŋgóobwotɨ́!»