Popular Bible Verses from Mak, echî 12

Share

Jisos a táme nne-ndûm nnyó se, “Ḿfa nâ ebhín Obhasi nji é fáŋe é chîŋ ochíŋ. Á séŋe sê, ‘Ane Isrel, yûk ên! Ńtâ Obhasi, yê nnyo a fonê êt chénchén, a ri yót. Deê nne a kot Ńtâ Obhasi owe na ḿbə́ŋé eye chénchén na ńtʉgântʉ eye chénchén na íkíkéré ifê chénchén na ikom ifê chénchén.’ Osúí íbháe é rî sê, ‘Deê ó kôt ntem-nne ka ekpak nji o korê biji ibhâ.’ Bibhín mbí íbháe nâ í fáŋe í chîŋ ochíŋ, mbi tat kpó cháŋ.”

Nji nne-nkáé nnyó a túbhi ntí mmí, Jisos a bhîŋ atóbhá abhê a chôt se, “Deê ń sə́ré ên bəre nne-nkáé ekə́t nnyó na okpák obhê, a tûp ntí ń ti ń chiŋi mmi ane chénchén á túbhi. Echî aŋ? Ntí mmi ane mba ngá á kághe ka nkop i ntí nnyi a ri mkpât ka mmi á fóne. Kən yê ka okpák obhê, a kâk chénchén ntí mmi a fonê ka ekpin ejê.”

Jisos a kúmi a kpíri eji nji á kágha ntí ka nkop i ntí ka ókʉ́rí achot Obhasi, a kébhá noŋ ane á túbha ntí. Ane-ntí etî-etî á tûp ntí mmi ń tóŋe fə́ne sê ábho a ri ane-ntí. Kən nne-nkáé ekə́t yót na okpák obhê, a bhák á bhâ tûp áfu ábháe ka péne yə́t.

Nne a ri a kot Obhasi na ḿbə́ŋé eye fép na íkíkéré ifê fép na ikom ifê fép, a ri a kot ntem-nne noŋ a korê biji ibhê. Nji nne a kí ki bibhín mbí íbháe, é faŋ é chiŋ onyam eyúúm na ekəp ekarám.”

A sə́re mân ábho se, “Karê ên mbâ Ntûfâm i Rom iyîm í Ntûfâm i Rom, o káre ên mbâ Obhasi iyîm Obhasi.” É jóe ane mbá a ri ejûm okpógha-biji kpe-eji ka ekpak nji Jisos a kóe a táme ebhə̂p njí.