Popular Bible Verses from Genesis 24

Share

Namibi an sorogoon, “O KAGURANGNAN, Dios kan sakong kagurangnan na si Abraham, tawe ako nin marahay na palad asin pahilingan an saimong danay na pagkamoot sa kagurangnan kong si Abraham.

Masabi ako sa saro sa sainda, ‘Painoma man ako sa saimong dulay!’ Kun magsabi siyang, ‘Inom na asin papainomon ko man an saimong mga kamelyo,’ siya na man logod an napili mo para sa sorogoon mong si Isaac. Sa paaging ini, maaaraman kong ipinahiling mo sa sakong kagurangnan an saimong danay na pagkamoot.”

Dangan dinara ni Isaac si Rebecca sa tolda na pinag-erokan kaidto ni Sara na saiyang ina asin nagin niyang agom si Rebecca. Namotan niya si Rebecca na nagin karangahan niya sa pakagadan kan saiyang ina.

Benendisyonan ninda si Rebecca asin sinabihan, “Tugang, magin ina ka logod nin dai mabilang na kaakian! Sakopon logod kan saimong kapagarakian an mga syudad kan saindang mga kaiwal!”

Isumpa mo sa ngaran nin KAGURANGNAN, an Dios kan langit asin daga, na an sakong aki dai mo ikukua nin agom na gikan sa Canaan na pinakikihimanwahan ko. Magbalik ka sa dagang namundagan ko asin an aki kong si Isaac ikua mo nin sarong agom hale sa sakong mga kadugo duman.”