Popular Bible Verses from Yɛtɛ sɔtɔɛ 15

Share

«Xa wo wo tuli mati n xui ra a fanyi ra, xa wo bira n ma tinxinyi fɔxɔ ra, xa wo n ma yaamari birin suxu, wo n ma sɛriyɛ birin binya, n tan, wo Marigi Alatala, n mu fure ɲaaxi yo ragoroma wo ma, alɔ n naxan nagoro Misirakae ma. N tan nan Alatala ra, naxan wo rayalanma.»

N sɛnbɛ na Alatala nan na. N a matɔxɔma bɛɛti ra. A bara findi n Nakisima nun n Marigi ra. N tantui rasigama n benbae Marigi ma.

Alatala, i maniyɛ mu na adama xa alae ya ma. I xa sɛniyɛnyi fiixɛ, i xa nɔrɛ gbo, i xa kaabanakoe wuya. I maniyɛ na minden?

I xa ɲama naxan xun saraxi, i fama e xun tide i xa xanunteya ra, naxan mu ɲɔnma abadan. I fama e xun tide i xa lingira sɛniyɛnxi yire i sɛnbɛ ra.

E naxa Mara li, kɔnɔ e mu nɔ Mara ye minde barima na ye nu xɔnɔ. «Mara» wama «xɔnɛ» nan falafe. Ɲama naxa sɔnxɔ Munsa ma, «Won ye sɔtɔma minden?» Munsa naxa a dɛ rawa Alatala xɔn ma. Alatala naxa wuri mɔɔli nde masen Munsa bɛ, a fa na woli ye xɔɔra, ye xɔnɛ naxa ba. Alatala to gɛ e xaxili matode mɛnni, a naxa yi saatɛ tongo e bɛ