Popular Bible Verses from Tơbiă 20

Share

“Kâo yơh jing Yahweh Ơi Adai gih, jing Pô ba ƀing gih tơbiă laih mơ̆ng čar Êjip, jing lŏn čar gih hơmâo jing laih hlŭn mơnă hlâo adih. “Kâo pơđar kơ rĭm čô amăng ƀing gih tui anai: Anăm kơkuh pơpŭ kơ ƀing yang rơba̱ng ôh samơ̆ kơ kơnơ̆ng hơjăn Kâo đôč.

“Anăm pơkra kơ ih pô rup trah hrup hăng rup amăng adai adih, ƀơi lŏn tơnah anai ƀôdah gah yŭ ia anŭn ôh. Anăm bon kơkuh kơ ƀing gơñu ƀôdah kơkuh pơpŭ kơ ƀing gơñu ôh, yuakơ Kâo jing Yahweh Ơi Adai ih, jing sa čô Ơi Adai ga̱r. Kâo pơkơhma̱l hĭ ƀu djơ̆ kơnơ̆ng hơjăn ƀing pơrơmut kơ Kâo ôh, samơ̆ wơ̆t hăng ƀing ană bă gơñu truh kơ tơčĕ tơhrĕ gơñu mơ̆n, yuakơ tơlơi soh ƀing ơi adon gơñu anŭn

“Pơpŭ bĕ kơ amĭ ama ih, tui anŭn ih dưi hơdip sui amăng anih lŏn Kâo Yahweh Ơi Adai ih či brơi kơ ih.

“Djă̱ pioh bĕ kơ hrơi Saƀat hăng răk brơi kơ hrơi anŭn jing rơgoh hiam.

“Anăm yua anăn Kâo, jing Yahweh Ơi Adai ih, đôč đač ôh, yuakơ Kâo či yap soh yơh kơ hlơi pô yua ngor anăn Kâo tơtă tơtăn.

Năm hrơi ih či mă khul bruă ih, samơ̆ ƀơi hrơi tal tơjuh jing hrơi pơdơi yom hơjăn kơ Kâo, jing Yahweh Ơi Adai ih yơh. Ƀơi hrơi anai, ƀu hơmâo mơnuih hlơi pô ƀôdah hlô mơnơ̆ng hơget amăng sang anŏ ih dưi ngă bruă hơget gĕt ôh tui anai: Ih wơ̆t hăng ană đah rơkơi đah kơmơi ih, ƀing hlŭn đah rơkơi đah kơmơi ih, hlô mơnơ̆ng ih, ƀôdah ƀing tuai amăng hơdôm plei pla ih, anăm mă bruă hơget gĕt ôh.

“Anăm hưp kluh kơ sang pô re̱ng gah ih ôh. Anăm hưp kluh kơ bơnai pô re̱ng gah ih, ƀing hlŭn đah rơkơi đah kơmơi, rơmô, aseh glai ƀôdah hơdôm tơlơi mơnơ̆ng lŏm kơ pô re̱ng gah ih ôh.”

“Anăm ngă gơ̆ng jơlan ƀlŏr pơkơdơ̆ng glaĭ hăng pô re̱ng gah ih ôh.

“Anăm klĕ pyu ôh.

“Anăm pơdjai mơnuih ôh.

“Anăm klĕ dŏp ôh.