Popular Bible Verses from Tơbiă 3

Share

Ơi Adai laĭ kơ Môseh tui anai, “Kâo jing Kâo Pô yơh. Anai yơh jing tơlơi ih či laĭ hăng ƀing Israel, ‘Kâo Pô hơmâo pơkiaŏ rai laih kâo pơ ƀing gih.’ ”

Laih anŭn Ơi Adai laĭ kơ ñu tui anai, “Kâo či dŏ hrŏm hăng ih. Laih anŭn anai yơh jing gru kơnăl kơ ih, Kâo yơh jing Pô pơkiaŏ nao ih: tơdang ih hơmâo ba tơbiă laih ƀing Israel mơ̆ng čar Êjip, ƀing gih či kơkuh pơpŭ kơ Kâo yơh ƀơi čư̆ anai.”

Ơi Adai pơhiăp tui anai, “Anăm rai jĕ hloh dơ̆ng tah. Tŏh hĭ bĕ tơkhŏ sanđal ih, yuakơ ƀơi anih ih hlak dŏ dơ̆ng anŭn jing anih rơgoh hiam.”

Yahweh laĭ dơ̆ng, “Kâo hơmâo ƀuh laih tơlơi tơnap gleh ƀing ană plei Kâo amăng Êjip, Kâo hơmư̆ laih tơlơi ƀing gơñu kwưh rơkâo yuakơ pô khua wai hlŭn kơtư̆ juă gơñu, laih anŭn Kâo ƀlơ̆ng pơmĭn kơ tơlơi tơnap tap gơñu yơh. Tui anŭn, Kâo hơmâo trŭn rai laih kiăng pơklaih hĭ ƀing gơñu mơ̆ng tơngan ƀing Êjip laih anŭn kiăng ba ƀing gơñu tơbiă mơ̆ng anih lŏn anŭn hăng mŭt nao amăng anih lŏn hiam laih anŭn kơmơ̆k, jing anih lŏn bă hăng ia tơsâo laih anŭn ia hơni; anih anŭn jing anih ƀing Kanaan, ƀing Hit, ƀing Amôr, ƀing Periz, ƀing Hiwi laih anŭn ƀing Yebus hlak dŏ yơh.

Pơ anŭn yơh ling jang Ơi Adai pơƀuh rai kơ ñu amăng jơlah apui mơ̆ng amăng lăm sa pum kơyâo. Môseh ƀuh wơ̆t tơdah pum kơyâo anŭn dŏ amăng apui, samơ̆ apui ƀu ƀơ̆ng hĭ ñu ôh.

Tui anŭn, ră anai, nao bĕ, Kâo pơkiaŏ nao ih pơ Pharaoh kiăng kơ ba ƀing ană plei Kâo tơbiă hĭ mơ̆ng lŏn čar Êjip.”