Popular Bible Verses from Yôhan 14

Share

Kâo či ngă kơ ƀing gih mưn tŭ tơlơi rơnŭk rơnua gah lăm. Tơlơi rơnŭk rơnua Kâo ngă brơi kơ ƀing gih mưn tŭ ƀu djơ̆ kar hăng tơlơi ƀing mơnuih pơkơdơ̆ng glaĭ hăng Ơi Adai pha brơi ôh. Tui anŭn, anăm ƀing gih rŭng răng hăng huĭ hyưt dơ̆ng tah.

Yêsu laĭ glaĭ tui anai, “Kâo jing Pô kar hăng kơnơ̆ng ha sa jơlan đôč yơh, jing Pô pơrơđah hơget tơlơi jing sĭt kơ tơlơi Ơi Adai laih anŭn jing Pô ngă brơi kơ mơnuih mơnam hơdip hlŏng lar. Ƀu hơmâo hlơi pô ôh nao truh pơ Ama Kâo tơdah ñu anŭn ƀu găn mơ̆ng tơlơi dưi Kâo pha brơi kơ ñu.

Yêsu laĭ dơ̆ng tui anai, “Anăm ƀlơ̆ng bơngơ̆t ôh. Đaŏ kơnang bĕ kơ Ơi Adai laih anŭn ăt đaŏ kơnang kơ Kâo mơ̆n.

Samơ̆ Pô Djru Pơmĭn, ăt jing Yang Bơngăt Hiam, jing Pô Kâo či brơi kơ Ama Kâo pơkiaŏ rai, či pơtô brơi kơ ƀing gih abih bang tơlơi bruă ƀing gih kiăng kơ thâo laih anŭn či pơhơdơr brơi kơ ƀing gih rĭm tơlơi Kâo hơmâo pơhiăp laih hăng ƀing gih.

Hlơi pô tŭ mă laih anŭn gưt tui hơdôm tơlơi Kâo pơđar kơ ñu, ñu anŭn jing pô khăp kơ Kâo yơh. Hlơi pô khăp kơ Kâo, Ama Kâo či khăp kơ ñu laih anŭn Kâo ăt khăp kơ ñu hăng pơrơđah Kâo pô kơ ñu yơh.”

Kâo či rơkâo kơ Ama Kâo laih anŭn Ñu či pha brơi kơ ƀing gih Pô Djru Pơmĭn pơkŏn, jing Pô či dŏ hrŏm hăng ƀing gih hlŏng lar yơh, anŭn jing Yang Bơngăt jing Pô či pơrơđah hơget tơlơi jing sĭt kơ tơlơi Ơi Adai yơh. Ƀing mơnuih hlơi pô pơkơdơ̆ng glaĭ hăng tơlơi Ơi Adai kiăng ƀu či tŭ mă Ñu ôh, yuakơ ƀing gơñu ƀu ƀuh Ñu ôh kŏn thâo krăn Ñu lơi. Samơ̆ ƀing gih thâo krăn Ñu yuakơ Ñu dŏ hrŏm hăng ƀing gih laih anŭn či dŏ amăng ƀing gih yơh.

Laih anŭn Kâo či ngă brơi hơget tơlơi ƀing gih rơkâo kơnang kơ Kâo, kiăng kơ Kâo, Yang Ană, dưi pơrơđah kơ tơlơi hiư̆m yom prŏng Ama Kâo jing yơh. Ƀing gih dưi rơkâo kơ Kâo kiăng kơ ngă hơdôm mơta tơlơi, kơnang kơ Kâo bĕ laih anŭn Kâo či ngă brơi yơh.”

Yêsu laĭ dơ̆ng tui anai, “Tơdah ƀing gih khăp kơ Kâo, ƀing gih či gưt tui tơlơi Kâo pơđar yơh.

Pơ anih Ama Kâo dŏ hơmâo lu anih kiăng kơ dŏ. Tơdah ƀu djơ̆ tui anŭn ôh, Kâo ƀu či ruai kơ ƀing gih ôh. Kâo či nao pơ anŭn kiăng kơ prap pre sa boh anih kơ ƀing gih.

Tơdơi kơ Kâo nao hăng prap pre sa boh anih kơ ƀing gih, Kâo či wơ̆t glaĭ kiăng kơ ba ƀing gih nao dŏ hrŏm hăng Kâo, kiăng kơ pơpă Kâo dŏ ƀing gih ăt či dŏ pơ anŭn mơ̆n.

Thômas laĭ hăng Yêsu tui anai, “Ơ Khua ăh, ƀing gơmơi ƀu thâo ôh pơpă anih Ih či nao, tui anŭn ƀing gơmơi ƀu dưi thâo ôh jơlan kiăng kơ nao pơ anŭn!”