Popular Bible Verses from Yôhan 19

Share

Tơdang Yêsu mă tŭ ia mơsăm anŭn, Ñu laĭ tui anai, “Abih bruă Kâo pơgiŏng hĭ laih.” Giŏng anŭn, Ñu akŭp akŏ Ñu laih anŭn tơĭ pran yơh.

Tơdơi kơ anŭn, tơdang Yêsu thâo abih tơlơi anŭn ră anai pơgiŏng hĭ laih, laih anŭn kiăng kơ pơkrĕp truh hĭ tui hăng Hră Ơi Adai, Yêsu laĭ tui anai, “Kâo mơhao ia.”

Tơdang Yêsu ƀuh amĭ Ñu pơ anŭn laih anŭn ding kơna pô Ñu khăp dŏ jĕ ƀơi anŭn, Yêsu laĭ kơ amĭ Ñu tui anai, “Ơ amĭ ăh, pô ding kơna anŭn jing kar hăng ană đah rơkơi ih.” Laih anŭn Ñu laĭ kơ pô ding kơna anŭn tui anai, “Răk wai bĕ pô anŭn jing kar hăng amĭ ih.” Čơdơ̆ng mơ̆ng hrơi anŭn, pô ding kơna anŭn rong ba amĭ Yêsu yơh.

Samơ̆ tơdang ƀing gơñu nao jĕ pơ Yêsu, ƀing gơñu ƀuh Yêsu tơĭ pran laih. Tui anŭn, ƀing tơhan anŭn ƀu taih pơjŏh hĭ tơlang thung Yêsu ôh. Kơđai glaĭ, hơmâo sa čô tơhan klâŏ djeo Yêsu hăng sa ƀĕ tơbăk tơl blĭp blăp drah hăng ia ƀlĕ mơ̆ng nam rơka anŭn.

Hơdôm tơlơi anŭn truh laih kiăng kơ pơkrĕp truh tui hăng Hră Ơi Adai hơmâo čih laih tui anai, “Ƀu hơmâo sa ƀĕ ôh tơlang Ñu jŏh hĭ.” Laih anŭn tui hăng Hră Ơi Adai dơ̆ng hơmâo čih laih tui anai, “Ƀing gơñu či lăng ƀơi pô ƀing gơñu hơmâo klâŏ laih.”

Yêsu glăm kơyâo bơrơkal Ñu pô laih anŭn tơbiă nao pơ bŏl čư̆ arăng pơanăn čư̆ Tơlang Akŏ, amăng tơlơi pơhiăp Aramit ăt pơanăn čư̆ Golgotha.

Ƀing tơhan mơñam mŭk hăng hrĕ kơyâo hơmâo drơi laih anŭn troă ƀơi akŏ Yêsu. Ƀing gơñu buh brơi Yêsu ao phyung mla̱ng