Popular Bible Verses from Yôhan 8

Share

Tơdang Yêsu pơhiăp dơ̆ng hăng ƀing mơnuih lu, Ñu laĭ tui anai, “Kâo jing kar hăng tơlơi bơngač kơ abih bang mơnuih mơnam amăng lŏn tơnah anai. Hlơi pô đuaĭ tui Kâo, ñu anŭn ƀu či hrup hăng mơnuih rơbat amăng tơlơi kơnăm mơmŏt ôh, samơ̆ Kâo či pơčrang brơi tơlơi hơdip ñu laih anŭn ngă kơ ñu hơdip yơh.”

Tui anŭn, ƀing gih či thâo krăn hơget tơlơi jing sĭt kơ tơlơi Ơi Adai laih anŭn Ñu či pơrơngai hĭ ƀing gih mơ̆ng tơlơi jing kar hăng ƀing mơnă yơh.”

Yêsu laĭ kơ ƀing Yehudah, jing ƀing hơmâo đaŏ kơnang laih kơ Ñu, tui anai, “Tơdah ƀing gih gưt tui tơlơi Kâo pơtô pơblang, sĭt ƀing gih jing ding kơna Kâo.

Tui anŭn, tơdah Kâo, jing Yang Ană, pơrơngai hĭ ƀing gih, sĭt ƀing gih či rơngai yơh.

Tơdang ƀing gơñu ăt dŏ tơña kơ Ñu nanao, Yêsu angak lăng đĭ hăng laĭ kơ ƀing gơñu tui anai, “Tơdah hlơi pô amăng ƀing gih jing pô ƀu hơmâo ngă soh laih ôh, brơi bĕ ñu anŭn jing pô blung hlâo glŏm boh pơtâo ƀơi đah kơmơi anai.”

Yêsu laĭ glaĭ tui anai, “Kâo laĭ sĭt biă mă kơ ƀing gih, hlơi pô ngă soh ñu anŭn jing kar hăng sa čô hlŭn tui gưt kơ pô khua soh sat yơh.

Yêsu lăng đĭ laih anŭn tơña kơ gơ̆ tui anai, “Ơ đah kơmơi ăh, pơpă ƀing phŏng kơđi kơ ih lĕ? Ƀu hơmâo hlơi pô klă̱ kơđi kơ ih ôh hă?” Pô đah kơmơi anŭn laĭ glaĭ tui anai, “Ơ Khua ăh, ƀu hơmâo hlơi pô ôh.” Yêsu laĭ dơ̆ng tui anai, “Kâo kŏn klă̱ kơđi kơ ih lơi. Glaĭ bĕ laih anŭn lui hĭ bĕ tơlơi hơdip soh sat ih.”