Popular Bible Verses from Luk 12

Share

Ƀing gih ăt khŏm prap pre kơčăng bĕ, yuakơ Kâo, jing Ană Mơnuih, či wơ̆t glaĭ ƀơi mông ƀing gih ƀu pơmĭn Kâo či truh ôh.”

Pơala kơ tơlơi anŭn, brơi kơ ƀing gih hơduah sem bĕ kiăng kơ dưi jing ană plei Dêh Čar Hlŏng Lar Ñu, tui anŭn Ñu ăt či pha brơi mơ̆n abih bang tơlơi mơnơ̆ng anŭn kơ ƀing gih.”

Giŏng anŭn, Yêsu pơhiăp hăng abih bang ƀing mơnuih lu anŭn tui anai, “Răng bĕ hăng răk wai gih pô mơ̆ng djŏp mơta tơlơi hưp kluh, yuakơ wơ̆t tơdah ƀing ta hơmâo dram gơnam rơbeh rơbai, tơlơi anŭn ƀu ngă kơ ƀing ta hơdip sui mơak mơai ôh.”

Kâo laĭ kơ ƀing gih: Pơpă kŏng ngăn gih dŏ, pran jua gih ăt dŏ pơ anŭn mơ̆n.”

Hơmâo hlơi pô mơ̆ amăng ƀing gih ƀlơ̆ng bơngơ̆t dưi thim đĭ tơlơi hơdip ñu sui ƀiă dơ̆ng?

Giŏng anŭn, Yêsu wir nao pơ ƀing ding kơna Ñu laih anŭn laĭ tui anai, “Hơnŭn yơh, Kâo laĭ kơ ƀing gih, anăm ƀlơ̆ng bơngơ̆t ôh kơ gơnam ƀơ̆ng kiăng kơ hơdip ƀôdah kơ sum ao kiăng kơ čut hơô ƀơi drơi jan gih

Sĭt biă mă yơh, wơ̆t dah ƀŭk ƀơi akŏ gih Ơi Adai ăt hơmâo yap laih abih bang mơ̆n. Tui anŭn, anăm huĭ ôh, yuakơ ƀing gih jing yom hloh kơ hơdôm čim gač anŭn yơh.”

Yêsu pơhiăp dơ̆ng hăng ƀing ding kơna Ñu tui anai, “Ơ tơpul anet Kâo hơi, anăm huĭ ôh yuakơ Ama gih pơ adai adih mơak biă mă pha brơi kơ ƀing gih tơlơi mơnơ̆ng ƀing ană plei amăng Dêh Čar Hlŏng Lar Ơi Adai hơmâo yơh.

Pơmĭn lăng bĕ kơ čim ak anŭn, gơñu ƀu jŭ pla ôh kŏn pĕ hơpuă lơi; gơñu ƀu hơmâo ôh anih pioh gơnam kŏn hơmâo atông lơi, samơ̆ Ơi Adai ăt čem rong gơñu mơ̆n. Sĭt ƀing gih yơh jing yom hloh kơ khul čim brĭm.

Laih anŭn, ƀing gih anăm hơduah pơmĭn nanao ôh hơget ƀing gih khŏm ƀơ̆ng laih anŭn mơñum, anăm ƀlơ̆ng bơngơ̆t ôh kơ gơnam anŭn.

Ơ ƀing mơnuih tơdu tơlơi đaŏ ăh, samơ̆ tơdah Ơi Adai ăt răk rong brơi kơ khul rơ̆k bơnga čăt amăng đang hơma hrơi anai laih anŭn arăng hrui čuh hĭ amăng tơpur apui hrơi pơgi kiăng kơ ŏm gơnam ƀơ̆ng, sĭt lu hloh kơ anŭn yơh Ơi Adai či răk rong brơi kơ abih bang ƀing gih sum ao kiăng kơ čut hơô.

Ƀu hơmâo hơget ôh go̱m si̱r ƀu či pŏk blang hĭ, laih anŭn kŏn hơmâo hơget lơi pơdŏp hơgŏm ƀu či thâo krăn rơđah hĭ.