Popular Bible Verses from Luk 23

Share

Giŏng anŭn, Yêsu iâu laĭ tui anai, “Ơ Ama hơi, rơkâo Ih pap brơi kơ ƀing gơñu đa, yuakơ ƀing gơñu ƀu thâo hluh ôh kơ hlơi ƀing gơñu hlak ngă tơlơi anŭn.” Giŏng anŭn, ƀing tơhan ngă čram kiăng kơ pơpha hĭ ao phyung Yêsu.

Laih anŭn Yêsu laĭ glaĭ kơ ñu tui anai, “Kâo laĭ sĭt biă mă hăng ih, hrơi anai ih či dŏ hăng Kâo amăng anih hiam klă Paradeis yơh.”

Giŏng anŭn, ñu pơhiăp hăng Yêsu tui anai, “Ơ Yêsu ăh, hơdơr kơ kâo đa tơdang Ih jing Pơtao git gai wai lăng mơnuih mơnam!”

Giŏng anŭn, Yêsu ur kraih tui anai, “Ơ Ama, Kâo jao bơngăt Kâo amăng tơngan Ih!” Laih kơ Ñu pơhiăp tơlơi anŭn, Ñu tơĭ pran yơh.

Tơdang ƀing gơñu nao truh pơ anih arăng pơanăn anih Klang Akŏ, pơ anih anŭn yơh ƀing tơhan tŏh hĭ ao Yêsu laih anŭn pŏng hĭ Gơ̆ ƀơi kơyâo bơrơkal, wơ̆t hăng dua čô mơnuih sat ƀai anŭn mơ̆n, sa čô gah hơnuă sa čô gah ieo kơ Yêsu.

Hlak anŭn, kơplăh wăh amăng mông ƀơi yang hrơi dơ̆ng, hơmâo tơlơi kơnăm mơmŏt go̱m amăng djŏp tring anŭn hlŏng truh kơ mông tŏng krah klăm. Tơdang yang hrơi jing hĭ kơnăm mơmŏt, khăn păng kơpa̱l amăng Sang Yang tơhe̱k tŏng krah jing hĭ dua.

Hlak anŭn, tơdang khua tơhan khua tring Pilat ƀuh abih tơlơi truh anŭn, ñu bơni hơơč kơ Ơi Adai tui anai, “Sĭt yơh mơnuih anai jing mơnuih tơpă hơnơ̆ng!”