Popular Bible Verses from Luka 9

Share

O wi'i yimɓe fuu fahin: “To goɗɗo yiɗi tokkaago yam, sey o acca muuyo maako, o roondo gaafaaŋgal maako nyalaade fuu e o tokko yam.

Ngam koo moy yiɗi hisnugo yoŋki muuɗum, majjinan ki. Ammaa mo majjini yoŋki mum ngam am, hisnan ki.

Yeesu wi'i mo: “Koo moy wallini juŋngo dow baaneewo ga'i, nden laari ɓaawo, walaa nafuuda ngam laamu Allah.”

Ɗume ɗum nafata goɗɗo to o heɓi duniyaaru fuu ammaa o majjini yoŋki maako malla o halki hoore maako?

To goɗɗo semti yam e bolle am, Ɓii-neɗɗo semtan mo yaake o warata nder tedduŋgal maako e nder ngal Baabiraawo maako e nder ngal malaa'ika'en seniiɓe.

Yeesu jaabi mo: “Doldolɗe ngoodi gasɗe, colli boo ngoodi caɓɓe, ammaa Ɓii-neɗɗo walaa haa wallina hoore mum.”

o wi'i ɓe: “Koo moy jaɓi ɓiŋngel pamarel ngel ngam innde am, min o jaɓi. Koo moy jaɓi yam boo, jaɓi nelɗo yam. Ngam ɓurduɗo famɗugo caka mooɗon fuu, kaŋko woni mawɗo.”