Popular Bible Verses from ṮAKWIIN 21

Share

Dhali Tap̱a a’di yayi’d mo mmobuṯa Saarah me’d jin okina a’di mo, dhali Tap̱a a’di miiki eya Saarah mo me’d jin okina a’di gwo is mo be.

Dhali Arumgimis ciḵki ’twa/ ma ara ’ci mo dhala man’doyu gwo ma Arumgimis yuḵki’da Haagar mo ’peni momis mo dhali owa yim gwo mo ki: Ata mii /e mo, Haagar? Dhalku/ is ki ḵo/ mo haali/ Arumgimis ciḵki ’twa/ ma ara ’ci e mo jin dina a’di mo. Cuyi mis mo dhali ’deka ’ci mo dhali susi a’di ki me’d pini mo haali/ aha/ mina kar a’di ki dhan kala caaga/ mo.

Dhala Saarah bwaaki’d mo dhali ayim ki dhodha ’ci jin ta ya/ goma Ibrahiim mo ki yil jin cana a’di mmota dhan mo ka tee c̱aan mo a’di jin okin ma Arumgimis a’di mo be.

Dhala Saarah oki gwo mo ki: Arumgimis a’di c̱iki mo gi momp̱e’th gom aha/ mo. Aris ’kwani ’baar mo ka ’deṯe/ ’deṯe/ kun mini ciḵ gwo mo mini p̱e’th gom aha/ mo.

Dhala Arumgimis ki owa Ibrahiim gwo mo ki: Dhalku/ gwo yan ki kar mmojwagaṯ /eya du e jis/em pini mo goma ’ci yan mo, dhali gom gwo gi ashin jin ta’da ’bom c̱iŋkina/ mo. Dhali eya ris gwo kun on ma Saarah /e mo tani ciḵi ’twa/ ma yim mo ma haala Is/hak a’di midi ta emen pini jin minu yuḵ gway i’ko’d mo be.

Dhali gom ya/ ma ’bom c̱iŋkina/ si’da/ mo tani aha/ mina kar a’di mmota kal mo haali/ a’di ta emen pini mo be.