1
YOHAAN 15:5
Uduk New Teatament and OT Portions
Aha/ tana cwalman gana/ mo, dhali um a’di itana bi mo. A’diyin jin c̱a’bki’d e aha/ mo dhali aha/ e a’di mo tani a’di be jin dhothi maman kagahara mo, haali/ ki dar gi aha/ mo tani um moli toŋ kamu/ mii mo be.
Compare
Explore YOHAAN 15:5
2
YOHAAN 15:4
’Koyi e aha/ mo ma dhali aha/ e um mo. Me’da biny cwa jin moli maman dho’th ki is piti mo isi ciki/ a’di midi mii di e cwalman mo, wakan um si’da/ isi ciki/ um mini ’ko e aha/ mo be.
Explore YOHAAN 15:4
3
YOHAAN 15:7
Waḵki/ um ’kon e aha/ mo dhali gwom pem ’kon e um mo tani doṯi ma to yin jin ona bwa um mo dhali a’di minu mii gom um mo be.
Explore YOHAAN 15:7
4
YOHAAN 15:16
Um ’koki kwany aha/ mo tani hili aha/ ikwanykina um mo dhali dhu um mo ki um mini ’taki ’ko mo dhali dho’th maman mo dhali ki maman bum mini ’taki ’ko mo. Wakan ki ma to yin jin mina um doṯa Baba ki gway pem mo tani a’di midi c̱iki um uni mo be.
Explore YOHAAN 15:16
5
YOHAAN 15:13
Mo/en jin ca’da kamu/ yisa di’da e wathiny’cesha kamu/ jin wakansan mo jin mina wathi/ kar mondiki/em pitiya ’cesh gom ikam piti mo be.
Explore YOHAAN 15:13
6
YOHAAN 15:2
Arisa bim pem kun daḵ dho’th mo tani uni ’ciṯẖa/ a’di mo mmo’do ka pije/ mo, dhali arisa bi kun dho’th maman mo tani a’di ki thoson mo dhali ’ciṯẖ mo ki uni mini dho’th maman ki nyanye/ mo be.
Explore YOHAAN 15:2
7
YOHAAN 15:12
Gwo yansan a’di ta gwoŋḵan pem jin ’kwarkunu mo ki um mini en ka rem ’kup̱ mo me’d jin enkika/ um mo be.
Explore YOHAAN 15:12
8
YOHAAN 15:8
Ki ’kup̱ mii yan kan mo tani Ababam pem karkunu ki ca mo mmodho’thkina um maman kagahara mo, dhali wakan um ki nyo/ mii mo mmota imanciḵ aha/ gwo mo be.
Explore YOHAAN 15:8
9
YOHAAN 15:1
Aha/ tana cwalman gana/ mo dhali Ababam pem a’di ta’da manḵor mo be.
Explore YOHAAN 15:1
10
YOHAAN 15:6
Waḵki/ wathi/ diki c̱a’b e aha/ mo tani a’di biṯu ka pije/ me’da biny cwa mo dhali a’di ki ḵu’th mo dhala binycwa tulkunu is mo mmoṯa’k i o’d mo, dhali o’d ki shwa mo be.
Explore YOHAAN 15:6
11
YOHAAN 15:11
To gwansan ṯorkika/ um mo ki moŋ’kuny bwam pem midi di e um mo dhali ki bwaŋ ’kunygam bum minu ’tu’d mo be.
Explore YOHAAN 15:11
12
YOHAAN 15:10
Waḵki/ um dhu gwoŋḵan pem kun ’kwarkunu mo tani um mini ’ko e mo/en pem mo, me’d jin dhukika/ gwoŋḵan ma Babam pem mo kun ’kwarkunu mo dhali c̱a’b e mo/en piti mo be.
Explore YOHAAN 15:10
13
YOHAAN 15:17
Gwo yansan ḵankika/ um mo ki um mini en ka rem ’kup̱ mo be.
Explore YOHAAN 15:17
14
YOHAAN 15:19
Waḵki/ um mini ’taki ta ku gi ’kwaniny’cesh mo tani ’kwaniny’cesh mini ’taki ena en gom kum buni mo, hili haali/ um ’koki ta ku gi ’kwaniny’cesh mo haali/ aha/ kwanykina um mo ’peni ’kwaniny’cesh mo tani a’di ishi/kina ’kwaniny’cesh umi e kan mo be.
Explore YOHAAN 15:19
YouVersion uses cookies to personalize your experience. By using our website, you accept our use of cookies as described in our Privacy Policy
Home
Bible
Plans
Videos