Popular Bible Verses from LUUKA 16

Share

A’di jin ta isiŋ gana/ mo gom ari toŋ gwa’dga/ mo tani a’di ta isiŋ gana/ mo si’da/ gom to jin ca’d mo. Dhali a’di jin thisi to kun gwa’dan mii mo tani ta a’di jin thisi to kun can mii si’da/ mo be.

C̱iŋkinaŋ kamu/ yisa di’da jin midi mish to mii gom tap̱a isu/ mo. Hili a’di midi mii shi/ jan ṯal ’deŋ kamu/ i e mo dhali en jamu/ mo walla a’di midi bu’th jan ’de/ ka bor mo dhali waḵ jaŋ kamu/ mo. Um moli mii Arumgimis to mo dhali mii to gi ta pa ki pa mo.

Waḵki/ um ’koki ta isiŋ gana/ mo gom to jin ta pa ki pa mo kun ’koki ta kuŋ ḵar/e mo tani aja a’di jin midi c̱i um to jin ta pa ki paŋ gana/ mo mmodhu mo? Dhali waḵki/ um ’koki ta ku isiŋ gana/ mo gom to ma ciŋ kamu/ mo tani aja a’di jin midi c̱i um a’di jin midi ta jim bum gana/ mo?

A’di ki o a’di gwo mo ki: Waḵki/ uni ’koki ha gwo ma Musa e mo dhali gwo gi imanc̱i gwo ma Arumgimis kadhamo/ e mo tani wakan si’da/ uni mini ’koki c̱i bwam buni ka gam ’kup̱ mo waḵki/ jan ’deŋ kamu/ midi ’taki cu mis ’peni mowu mo be.

Aris ’kwani ’baar mo ka ’deṯe/ ’deṯe/ kun dhal up̱ buni ’pen mo dhali mash kun tiya mo tani uni miiki miinyc̱al mo be, dhali a’di jin mashki’da ’bom jin dhalu ’pen mo ’pena kaṯẖim piti mo tani a’di miiki miinyc̱al mo be.