Popular Bible Verses from LUUKA 5

Share

Dhali ki a’di daḵki gwo ṯor mo tani a’di ki owa Simaan gwo mo ki: Shorka ḵur e moŋ’kulu’d mo ma dhali dhala ’thim pini me’d ka ’cesh mo mmobu’th to mo.

Dhala Simaan thoḵ a’di gwo mo ki: Tap̱a, aman miikina ṯu’c ki mon’thiny ilu/ ’baar mo tani dhali am ’konaki bu’th toŋ kamu/ mo be. Dhali hili ki gwom pini mo tani aha/ mina dhala ’thi/ me’d ka ’cesh mo be. Dhali ki uni miiki a’di yansan mo tani uni mushki to yi’de/ kun tana ris ka ris kagahara mo, dhali a’thim buni ’kokin mo mmodher bwa mo

Hili a’di sere’thki’d bway bwaasho mo dhali ’tho mo be.

Aha/ dinaki yayu/ mo mmoyuḵ ’kwani gun mii miiŋḵar/e mo hili mmoyuḵ uni gun mii miinthus mo mmorica du is mo be.

Hili ka Simaan Buṯerus p̱arki a’di e mo tani a’di biṯki’d e ’kup̱a’dup̱un ma Yesus mo mmo/o gwo mo ki: Yaku/ mo ’peni aha/ mo ma haali/ aha/ tana wathi/ gi miinthus mo, ayy Tap̱a.

Dhala Yesus thoḵki uni gwo mo ki: Uni gwansan kun ’bora is mo tani uni mini mii ’koki mii ta ga hakiim mo, hili uni gwansan kun ’ba’thkin mo be.

Dhali ki uni ḵalkina ḵur buni ka pije/ mo eya ’cesh mo tani uni dhalkina ris tom buni ’peni ’baar mo dhali baṯẖ a’di nsho’k mo be.

Ki a’di diki’d mo e ’peŋkuman bampaŋ kamu/ mo tani wathiŋ kamu/ diki’di mun jin tashkina monthus mo. Dhali ki a’di p̱arki’da Yesus e mo tani a’di biṯki bwam/em piti a’cesh mo dhali ŋap̱ a’di ki gwo mo ki: Tap̱a, waḵki/ /e ona bwa mo tani /e mishi aha/ dhelel mo be. Dhali a’di he’thki me’d piti mo dhali ta a’di is ki me’d mo mmo/o gwo mo ki: Aha/ ona bwa mo be. Dheleli mo ma. Dhali ki jahanne/ monthus dhalki a’di ’pen mo be.

Dhali hili gwo yaki’d mo kagahara ka pije/ ki lala’th isi gom a’di mo, dhali awaambuhany ’kwani ka ris tulki is mo mmociḵ gwo ’peni a’di mo dhali ki uni minu wac̱ mo ’peni ’ba’th buni ki she/ ki she/ mo.