Popular Bible Verses from MARKUS 5

Share

Dhali a’di ki owa yim gwo mo ki: ’Bwa/m pem, moŋgam gwo is pini a’di wac̱ki /e mo. Yaku/ mo ki moŋḵu’th is mo dhali wac̱i mo ’peni ’ba’th pini jin ’koshki /e mo.

Dhali a’boma kamu/ diki’d si’da/ mo, a’di jin guskin ma bas ki yil ’kume’d i’ce’dka su/ mo be. Dhali a’di ’koshkina is ka nyor kagahara mo gom mii jin yakina a’di i ihakiim ka ris mo. Dhali a’di ki ’baara ris to ’baar mo kun takina a’di mo be dhali isa kamu/ yisa ’borki’da, hili isa nyor ’curki ’pen ki shi/ mo kagahara mo be.

Dhali ki jahanne/ abas jin guski a’di daḵki’d mo, dhali ayim mishki’d ki is piti mo ka yim wac̱kunu mo ’peni ’ba’th jin ’koshki a’di mo be.

Dhali a’di ki butha yim ki me’d mo dhali a’di ki owa yim gwo mo ki: Ṯaliṯẖa kumi, a’di jin ta ’pemen gwo jin onu ki: Ari nyara/, aha/ ona /e gwo mo ki: cuyi mis mo.

Dhali ki a’di di’d mmoṯor gwo mo tani ’kwanin tiya p̱u’dkin mo ’peni gu’b gi tap̱a mo, uni gun o gwo mo ki: ’Bwa/m pini wuki’d mo. Atinta ṯu/ulkina /e amanṯor gwo ki gwo ki rash rash kan mo? Hili a’di toŋki’d mo gom gwo jin okina uni mo. Dhala Yesus ki o tap̱a gi gu’b gi montul is gwo mo ki: Dhalku/ is ki ḵo/ mo ma. Hili gami jasi gwo is mo.

Haali/ a’di ki o a’di gwo mo ki: Piyi ka pije/ ’peni wathi/ mo, /e jin tana rum thus jin nyo/o’d kan mo. Dhala Yesus ki doṯ a’di gway mo mmo/o gwo mo ki: /E yuḵu gway kaja mo? A’di ki thoḵ gwo mo ki: Gway pem yuḵu Karis mo haali/ aman ’kona ka ris mo be.