Popular Bible Verses from MATIUS 23

Share

Aheʹ iaʹ bioʹ neng ahang ikem, atek tekep te ia ke ngulaʹ usa ha neng ikem.

Ngan aheʹ iaʹ ke ngempau ngadan ne, ia ke tai libaʹ. Ngan aheʹ iaʹ ke ngelibaʹ ngadan ne, ia iaʹ ke tai mpau.”

“Siʹau pe ikem diaʹ guru Katuk Adet ngan kelunan Perisi. Ikem diaʹ kelunan ngaloʹ. Ikem naʹ ca tulat puloʹ penalan ncem me Allah koʹ baʹan bekai, kujau, ngan lesayat. Un sepuʹo abeʹ kem pesingo Katuk Adet iaʹ teneng ngan bioʹ, koʹ baʹan puyan iaʹ teneng, ngan puyan pengelesau, ngan puyan iaʹ telit. Ini ne puyan iaʹ tekep ikem ke uyan, ngan ayen ncem lingo diaʹ ca dina.

“Siʹau pe ikem diaʹ guru Katuk Adet ngan kelunan Perisi. Ikem diaʹ kelunan ngaloʹ. Kun ncem muheʹ tahaʹ awang sawan ncem ngan kiut cem, un sepuʹo dalem me sangan kuʹun inu iaʹ ikem alaʹ man puyan ti jaʹat ngan tutun seʹ.

“E Yerusalim, Yerusalim, ikoʹ iaʹ ban lematai diaʹ pegawa, ngan lemulo batu neng diaʹ lawa Allah diaʹ ia cuk nai palaʹ ikem are. Kudaʹ liwai ne akeʹ ubaʹ ke nyekapu mung anak lepoʹ koʹ, koʹ baʹan ca tuʹa iap iaʹ ke ngelidung anak ke neng ntaʹ kapit te are, un sepuʹo abeʹ kem dayo.

Pekina lete teneng seʹ puyan ncem ne dulu taʹan cen awang, un sepuʹo kaʹ dalem ikem sangan kuʹun puyan ngaloʹ ngan penyalaʹ.”