Popular Bible Verses from Actes 2

Share

Na bör̂i êr̂ê yè-r̂é na Pètèru, êr̂ê: «Vipââr̂i na gëve, cè ki mâ dè batiyi-ve vidù wânii rö néé Ièsu Kérisö, cè ki cöö virai pâr̂â nô ka yaané xe-ve, aè gëve yè wii yè kwââvâr̂â, wè Ko-Ar̂ii.

Aè cér̂é bâ tuwir̂i vè mör̂ö ké vi pur̂â i pâr̂â aposetolo, xè-i rhaaxâ wêê nénââ, mâ cér̂é kâvii var̂awa, mâ pwaér̂ö.

Cér̂é bör̂i wê rhau rhâri xè-i Ko-Ar̂ii, cér̂é bör̂i rhavûû ké aʼ i pâr̂â mêr̂ê aʼ ka vi rhîyâi-e, ûr̂û ké nââ yè-r̂é i Ko-Ar̂ii cè ké-r̂é tëvë.

Na bör̂i pwa ria mi xè nékö na dèxâ mâr̂ââ ku i ko, na ûr̂û kayâ kau, na bör̂i rhâri na mwâ-ré cér̂é cuè rö-i xè-i. Na bör̂i tö vèa yè-r̂é na pâr̂â kur̂umé ka tö vidù ka ûr̂û kêmör̂u, na bör̂i te vidù rö bwêêwé-r̂é. Cér̂é bör̂i wê rhau rhâri xè-i Ko-Ar̂ii, cér̂é bör̂i rhavûû ké aʼ i pâr̂â mêr̂ê aʼ ka vi rhîyâi-e, ûr̂û ké nââ yè-r̂é i Ko-Ar̂ii cè ké-r̂é tëvë.

Wè cér̂é bâ tö rhaavu rö mwâ waa ar̂ii rèi pâr̂â nédaa, wè cér̂é kâvii var̂awa rö dèxâ mwâ mâ dèxâ mwâ, mâ ara néara-r̂é xar̂a vi or̂o, mâ wêê nénââ ka avâr̂i, mâ pè kau Bâô, aè cér̂é méar̂i-r̂é na pâr̂â kâmö wânii. Aè na nââbéé ké pôr̂ô xé-r̂é rèi pâr̂â nédaa na Ör̂ökau röi pâr̂â kâmö ré wê pwa yèr̂i vi pè mör̂u.

“Tèi pâr̂â nédaa ka taadè, wè Gö yè mâ piyöwîî ko-nyâ rö bwêêwé pâr̂â kar̂ö wânii, Wè cér̂é yè pérövéta na pâr̂â pâlè-ve pâi mâ powè dowa, Aè cér̂é yè mâ ngërhûû pètâbâ na pâi dowa pâlè-ve, Aè cér̂é yè mâ ngëxë na pâr̂â pâi kau xe-ve.

Aè cér̂é rhau tö vè rhaaxâ na pâi pa tâ néwèi, mâ na tö vè rhaaxâ na pâr̂â nékwêêr̂ê-r̂é. Cér̂é vi rhöwöi pâr̂â döwöö xé-r̂é, mâ pâr̂â nékwêêr̂ê-r̂é, mâ vi wii vè pâr̂i pâr̂â kâmö paxa rhauadè.

Nè yè bör̂i pwa na ké yè pè mör̂u pâr̂â kâmö ré yè aʼyè néé Ör̂ökau.”»

É yè mâ pugèwè mèèxa cè ki orê, Mâ var̂ui cè ki war̂a, Baayêr̂î ki yè pwa na nédaa i Ör̂ökau, wè nédaa ka kau mâ ka rhîrhér̂é