Popular Bible Verses from Jean 12

Share

Ö kâmö ré yè kâmö yar̂i xi-nya, na e na ki mi ua-nya; aè ö kââ-ré gö yè tö-i, wè nè yè dè tö gövu rö-i. Aè nè yè kâmö yar̂i xi-nya na dèxâ kâmö, nè yè bör̂i pè kau-é na Pevaa.»

Ö kâmö ré âmu i mör̂u xi-e, wè nè yè mâ yèri, aè ö kâmö ré rhîaa i mör̂u xi-e rö-a bwêê jë, wè nè yè bâ tö xar̂a yè mör̂u ka da tâwai yèri.

Avâr̂i, avâr̂i, gö êr̂ê yè-ve, êr̂ê, nè yè da mèr̂i mâ bo na dèxâ pwêê bélé ka tö néjë, nè yè bör̂i bâ rhaaxâ rö, aè nè yè mèr̂i mâ bo, nè yè bör̂i pwa vè pôr̂ô yéyé.

Gènyâ, wè daa ka wê pwa rö-a bwêê jë cè ki da tö ka orê na dèxâ rai pâi pa tâ néwèi-nya.

Nè yè tö pwêr̂ê nô xi-nya na dèxâ kâmö, na bör̂i da köiwaa, gö yè da pè yerii-e, wè gö da pwa na ka pè yerii bwêê jë, aè gö pwa na ka pè mör̂u bwêê jë.

Na bör̂i pè dèxâ léé rhëë ka borhêê ka dö kau aau na pè urhii na Maria, na bör̂i ôâ duö köwi Ièsu xè ria mâ câ vè mèr̂i i pûr̂û gwâ-ê; na bör̂i rhâri na mwâ xè-i bor̂o rhëë-ré.

Cér̂é bör̂i carher̂e pâr̂â dee kiwê cè ké-r̂é vi na ka vi javirù vèâ cér̂é Ièsu, cér̂é uu mâ êr̂ê: «Hosana, na kau mâmâ na ko ör̂ökau xè Israèl ré wê pwa mi rö néé Ör̂ökau!»

Na bör̂i êr̂ê yè-r̂é na Ièsu êr̂ê: «Na wê pwa na nédaa né ké yè pè kau o i kâmö.