Popular Bible Verses from Jean 6

Share

Na bör̂i êr̂ê yè-r̂é na Ièsu, êr̂ê: «Gènyâ, wè var̂awa né mör̂u. Aè ö kâmö ré mi ua-nya, wè nè yè da mêr̂ê tëë, aè ö kâmö ré tâ néwèi-nya, wè nè yè da bar̂i wâyö tëë.

Na pè mör̂u na ko, aè na da dö kââ na kar̂ö. Aè pâr̂â nô xi-nya ré gö êr̂ê yè-ve, wè ö kââ-ré ko mâ mör̂u.

Koa yè waa nêr̂ê yè êê ara ka yè bo, aè na e rö na êê ara ka tö yawi cêmè rö mör̂u ka da tâwai yèri, ré nè yè nââ yè-ve na o i kâmö, wè na pè tömâ-ê vè mör̂ö na Pevaa, wè Bâô.»

Aè ökââ rhî vè e i Pevaa xi-nya, êr̂ê, pâr̂â kâmö wânii ré tö rhûû O mâ tâ néwèi-e, wè cér̂é yè cëi mör̂u ka da tâwai yèri; aè gö yè mâ pè mör̂u-r̂é tëë rèi nédaa ka taadè.»

Na bör̂i êr̂ê yè-r̂é na Ièsu, êr̂ê: «Ökââ nêr̂ê Bâô, êr̂ê, tâ néwèi yè kâmö ré na tùr̂ùwaa-è.»

Cér̂é yè rhau mi ua-nya na pâr̂â kââ wânii ré na nââ yè-nya na Pevaa, aè ö kâmö ré yè mi ua-nya, wè gö yè da yayâwâ-ê.

Na bör̂i aʼcëi yè-è na Simona Pètèru, êr̂ê: «Ör̂ökau, gèvé yè vi wa ya? Aè na dè tö pwar̂a-i na nô né mör̂u ka da tâwai yèri.

Gènyâ var̂awa ka mör̂u, ka vi ria mi xè nékö,, nè yè kâi var̂awa-ré na dèxâ kâmö, nè yè bör̂i mör̂u kwéyë rua waavi, aè var̂awa ré gö yè nââ, wè kar̂ö-nya, gö yè nââ vè mör̂u né bwêê jë.»

Na yèri rha kâmö ka yè tâwai mi ua-nya, na ki da yörhèè-è na Pevaa, ö ce ré tùr̂ùwaa-nya. Aè gö yè mâ pè tömâ-ê tëë rèi nédaa ka taadè.

wè var̂awa i Bâô, wè, var̂awa ka vi ria mi xè nékö, mâ nââ mör̂u yè bwêê jë wânii.»

Gènyâ, var̂awa nè mör̂u.

Na bör̂i pè pâr̂â var̂awa na Ièsu, aè na wê cowa ëi, na bör̂i vi wii yè pâr̂â pâi pa pâgür̂ü xi-e, aè pâr̂â pâi pa pâgür̂ü, wè cér̂é vi wii pè pâr̂i pâr̂â kâmö ré cuè yâbèr̂i-r̂é; mâ kaar̂u êêwâ bar̂ee, na ûr̂û rhî vè e xé-r̂é. Cér̂é bör̂i wê kiè, na bör̂i êr̂ê yè pâr̂â pâi pa pâgür̂ü xi-e na ce, êr̂ê: «Ka vèâi vè rhaaxâ pâr̂â ka örua xè-i, cè ki yèri ka yè vi bwir̂i xè-i.»

Cér̂é wê tawaur̂u kwâ, na ûr̂û kanii töwè kanii na ma rhaaxâ kilomèèti, cér̂é bör̂i tö rhûû Ièsu na na vâr̂â mi rö bwêêrher̂e rhëë, mâ vi vè ubwa i kwâ. Cér̂é bör̂i cê bar̂a. Na bör̂i êr̂ê yè-r̂é na ce, êr̂ê: «Gènyâ-a, aè koa yè bar̂a!»