Popular Bible Verses from MARK 13

Share

Hüyange Ü-min jingne kahta üsheiye numante nuphalak. Hüyangpoi üküm ngoiye aowe tükke oklakei I yinlak.

Kentingyah, menghayah, hangjingne hipak aope peilak numan-e yeshing.

Hüyange aope iman-e numan phophalakei hüyange ngaophün jingte teilakei, numan-e hanghe ngaolak hipak manngoipe mongtah shang; aope hipak peilakeih, hüwante numante hanghe phakülakei ngaotüoh. Hangjingne numan-e ngaopuwa numan-e yeje; Yaha Üjao mepu peilak.

Wangdang hüyange kahtok linne tailak, hüpoi ü-ngao linne yetailak.”

“Hüyangpoi, tüopa nyih hei hipak aope ngoilak, Ipa tokte kaiye wangme ngohpu shongmokpa ne jeyah, yejema-a Iha jeyah aowe-o yeshing.

Hüyange aope numan-e ü-o me hokpu ngaolan hüyange üjai me wehokpu ngaolan jailakei, numan mong tahshang. Tüolan ngailak wongpong, hüpoi tüolan kaiye üküm ngoipu ne yeje.

Tüokhei, kentingyah, hangjingne nok nokpupa aope peilak yaning heiya, phawo phatang me heiya awko shaome heiya, yejema-a shomme numan-e yeshing. I mokhshe peiwante, nang shiye yengohlak jingne kentingyah! Taowe hanghepa numante inang, numan üsheite inang, kentingyah!”

Hangjingne jat jawe jat ja phei tüi-e, ahngching jawe ahngching ja phei tüi-e tei hoklak. Minwe leipu kenphe me ngohlak, hüyange seanyao yenglepu ngohlak. Tüolan-a shangne ükong wangpu.

Hüyange üwangne jatlan üsheite Pungao ümei nyüolak.

Kahta maawe ü-min me peikülak, hüyange ilak ‘Taowa I!’ hüyange kahta maawe ünyong yete woilak.

“Hüyange numan-e yoi jingne kentingyah. Hangjingne kahtalan-e numan pho phalak hüyange numan ngaophün jingme phakülak. Synagogue me numante shetphalak; numan wanglam lampalan hei ahnglan shaome, imante Pungao ümei ilak jingne hüyange Üjingne yonglak.

Hangjingne tahleih Messiahlan hüyange tahleih hipalan ngaikülak. Okma-a Kahwange leyangpulan ünyong yete woilak jingne, iman-e füo hüyange kahnyingwüngha hüokülak.

Hüyangpoi shange pongpu tüolan nyih hei hipak linyang phei me, wanghe nyaklak, linnyuwe leta yephalak; wang mepu shanhalan yeilak, hüyange wangmepu wonglan polak.